Беларусь мае намер прызначыць сваіх людзей на ключавыя пасады ў ЕАЭС і ЕЭК

© Sputnik / Владимир Федоренко / Перайсці ў медыябанкПартфель чыноўніка
Партфель чыноўніка - Sputnik Беларусь
Падпісацца
З лютага 2020 года да Беларусі пераходзіць старшынства ў ЕАЭС, і рэспубліка атрымлівае права прызначыць на чатыры гады свайго старшыню калегіі ЕЭК і аднаго міністра.

МІНСК, 8 кас - Sputnik. Беларусь у рамках старшынства ў Еўразійскім эканамічным саюзе (ЕАЭС) мае намер прызначыць свайго міністра па гандлі і старшыню калегіі Еўразійскай эканамічнай камісіі (ЕЭК), заявіў у аўторак віцэ-прэм'ер рэспублікі Ігар Петрышэнка.

Вайсковец ля рэзідэнцыі прэзідэнта Арменіі - Sputnik Беларусь
Лукашэнка: бар'еры, якія ўзнікаюць у ЕАЭС, вядуць да ўдасканалення саюза

Да Мінску старшынства ў ЕАЭС пераходзіць у лютым 2020 года. У сувязі з гэтым краіна атрымае права прызначыць на чатыры гады свайго старшыню калегіі Еўразійскай эканамічнай камісіі, а таксама яшчэ аднаго міністра ў ЕЭК. У цяперашні час беларускія прадстаўнікі ўзначальваюць у калегіі дзве структуры: на пасадзе міністра па тэхнічным рэгуляванні ЕЭК працуе Віктар Назаранка, на пасадзе міністра па прамысловасці і аграпрамысловаму комплексу ЕЭК - Аляксандр Субоцін.

"Гэта прапанова была выказана прэзідэнтам нашай краіны на пасяджэнні Вышэйшага еўразійскага эканамічнага савета ў Ерэване, пра тое, што мы хацелі б другую пасаду міністра па гандлі. Расійскі бок узяў паўзу і сказаў, што ён разгледзіць гэтае пытанне, прапрацуе дадаткова і дасць адказ, як ён ставіцца да гэтай прапановы беларускага боку", - сказаў Петрышэнка.

Прозвішчаў патэнцыйных кандыдатаў на пасады міністра па гандлі і кіраўніка калегіі ЕЭК віцэ-прэм'ер не назваў, заўважыў толькі, што ўсё стане вядома, калі прыйдзе час. Паводле яго слоў, усе рашэнні будуць прымацца прэзідэнтамі краін "пяцёркі" на Вышэйшым еўразійскім эканамічным савеце.

У цяперашні час пасаду міністра па гандлі займае прадстаўніца Расіі Вераніка Нікішына.

Петрышэнка таксама распавёў, што, стаўшы на чале ЕАЭС, Беларусь мае намер сканцэнтравацца на зняцці бар'ераў і абмежаванняў ва ўзаемным гандлі, развіцці і правядзенні адзінай прамысловай і аграрнай палітыкі, зняцці розных пытанняў, звязаных з тэхнічным рэгуляваннем, фітасанітарнымі мерамі, актыўным развіццём міжнароднага вектара супрацоўніцтва.

Стужка навiн
0