Нацбанк павялічыў мінімальны памер статутнага капіталу для банкаў

© Sputnik / Виктор ТолочкоНацбанк Беларусі
Нацбанк Беларусі - Sputnik Беларусь
Падпісацца
Фінансавы рэгулятар патрабуе ад банкаў пэўнага ўзроўню ўласных сродкаў на выпадак страхоўкі ад форс-мажорных сітуацый.

МІНСК, 18 сне - Sputnik. Беларускі фінансавы рэгулятар павысіў мінімальны патрабаваны памер нарматыўнага капіталу для банкаў у першым квартале наступнага года, пра гэта паведамляецца на сайце Нацбанка.

Цяпер нарматыўны капітал камерцыйных банкаў павінен складаць 58,1 мільёна рублёў. Да гэтага ад банкаў патрабавалася 57,41 мільёна рублёў.

Нябанкаўскія крэдытна-фінансавыя арганізацыі, якім дазволена весці разліковыя рахункі, ажыццяўляць абменна-валютныя аперацыі, куплю-продаж каштоўных металаў і камянёў, павінны мець капітал не менш за 630 тысяч рублёў (гэтая планка паднялася на 10 тысяч рублёў).

Нябанкаўскія крэдытна-фінансавыя арганізацыі, якія маюць дазвол прыцягваць грошы на рахункі або дэпазіты, павінны мець не менш за 3,22 мільёна рублёў (было 3,18 мільёна рублёў). Арганізацыі, што выдаюць банкаўскія гарантыі, якія займаюцца даверным кіраваннем, факторынг, павінны мець не менш за 6,48 мільёна рублёў (плюс 0,08 мільёна рублёў).

Навошта патрэбен нарматыўны капітал?

Любое прыцягненне фінансавых сродкаў ва ўклады звязана з рызыкамі. Нацбанк патрабуе ад банкаў пэўнага ўзроўню уласных сродкаў на выпадак, калі крэдытна-фінансавая ўстанова раптам не зможа цалкам вярнуць грошы ўкладчыкам і іншым крэдыторам.

Каб засцерагчы кліентаў, патрэбна "падушка бяспекі", ролю якой выконвае нарматыўны капітал.

Стужка навiн
0