Адказнага за нафтавы кантракт з Казахстанам прызначылі ў Беларусі

© Sputnik / Борис Бабанов / Перайсці ў медыябанкНафтавае радовішча Тэнгіз
Нафтавае радовішча Тэнгіз - Sputnik Беларусь
Падпісацца
Беларуская дэлегацыя накіруецца ў Казахстан 6 лютага, каб абмеркаваць пагадненне па пастаўках "чорнага золата", якое як сцвярджаюць улады, знаходзіцца ў высокай ступені гатоўнасці.

МІНСК, 6 лют - Sputnik. Першы намеснік прэм'ер-міністра Дзмітрый Крутой упаўнаважаны на падпісанне пагаднення па нафце з Казахстанам, гаворыцца ў пастанове, размешчанай на Нацыянальным прававым партале.

Транснафта, архіўнае фота - Sputnik Беларусь
Кіраўнік "Транснафты" распавёў аб пастаўках нафты ў Беларусь і рэверсе "Дружбы"

Раней віцэ-прэм'ер Ігар Ляшэнка заявіў, што пагадненне па пастаўках у Беларусь нафты з Казахстана знаходзіцца ў высокай ступені гатоўнасці.
"Больш пытанне тычыцца камерцыйнага блока: пастаўка з пошлінай альбо без. Яно знаходзіцца на разглядзе казахстанскага боку. Цікавасць беларускага зразумелая - бяспошлінная пастаўка нафты. Гэта дазволіць максімальна наблізіць яе да кошту расійскай нафты", - удакладніў віцэ-прэм'ер.

Паводле яго слоў, беларуская дэлегацыя адправіцца ў Казахстан для правядзення перамоў па пастаўках нафты 6 лютага. Віцэ-прэм'ер Дзмітрый Крутой на сустрэчы з казахстанскім бокам прысутнічаць не будзе, таму што яго ўдзел запланаваны на перамовах прэзідэнтаў Беларусі і Расіі ў Сочы 7 лютага.

Нафтавае пытанне

Беларусь і Расія да пачатка 2020 года не змаглі прыйсці да пагаднення па кошце нафты: рэспубліка адмаўляецца плаціць пастаўшчыкам прэмію ў 6 долараў за тону да кошту пастаўкі. На гэтым фоне 1 студзеня былі прыпыненыя пастаўкі сыравіны ў рэспубліку.

У якасці часовай меры Беларусь закупіла 750 тысяч тон у кампаній расійскага бізнесмена Міхаіла Гуцарыева, якія пагадзіліся працаваць без прэміі. Адначасова, як заяўляе ўрад, вядуцца перамовы з альтэрнатыўнымі пастаўшчыкамі нафты.

У студзені рэспубліка таксама дамовілася аб куплі 80 тысяч тон нарвежскай нафты для "Нафтана" - марка Johan Sverdrup максімальная блізкая па характарыстыках да Urals. Пастаўляцца яна будзе праз порт Клайпеды, які ў год можа прапусціць толькі 3,6 мільёна тон. Акрамя таго, за перавалку і транспарціроўку нарвежскай сыравіны Беларусь пераплачвае па 20 долараў за тону.

Для загрузкі аднаго "Нафтана" патрабуецца каля дзевяці мільёнаў тон штогод, гэта значыць каля 25 тысяч тон штодня. Мазырскі НПЗ перапрацоўвае каля дзесяці мільёнаў тон у год. Большая частка прадукцыі "нафтахіму" ідзе на экспарт у выглядзе светлых нафтапрадуктаў, у першую чаргу аўтамабільнага паліва.

Без альтэрнатывы?

Беларусь ужо шукала альтэрнатыўныя крыніцы нафты ў папярэднія гады. Так, у Венесуэлы рэспубліка закупляла марку Santa Barbara на пачатку 2010-х. Аднак надзвычай дарагая лагістыка і нізкая якасць сыравіны вымусілі звярнуцца да своп-схемы з Азербайджанам. Усяго рэспубліка закупіла ў Венесуэлы за тры гады амаль 3,4 мільёнаў тон. Цікава, што сярэдні кошт за тону расійскай сыравіны для Беларусі ў 2010 годзе была 434 долара, венесуэльскай - 647 долара.

Міністры замежных спраў Беларусі і Літвы Уладзімір Макей і Лінас Лінкявічус - Sputnik Беларусь
Беларусь абмяркоўвае з Літвой пастаўкі нафты і газу

Крыху менш за мільён тон Беларусь закупіла ў Азербайджана ў 2011-м - па кошце ў 838 долараў за тону. Для параўнання: расейская нафта тады ж каштавала каля 430 долараў за тону. У 2016-м Беларусь зноў звярнулася да Азербайдлжана за брэндамі Azeri Light і CPC Blend, аднак таксама ў невялікіх аб'ёмах: 560 тысяч тон. У 2017 рэспубліка закупіла 1,4 мільёна тон нафты ў Ірана.

Пакрыць патрэбы Беларусі ў нафце не могуць ні Азербайджан, ні Казахстан, ні іншыя краіны-партнёры. Акрамя таго, яе ўсё роўна прыйдзецца "разводзіць" расійскай, бо беларускія НПЗ "заточаныя" пад Urals. Пры гэтым кошт альтэрнатыўных пастаўшчыкоў заўсёды перавышае кошт на расійскую сыравіну. Розніца з улікам лагістыкі можа дасягаць практычна два разы.

У мінулым годзе Беларусь купляла ў Расіі нафту па сярэднім кошце ў 364 долара за тону. Пры гэтым рэспубліка плаціла за сыравіну толькі 83% ад сусветнага кошту нафты.

Стужка навiн
0