Белорусская АЭС - Sputnik Беларусь
БелАЭС
Беларускую атамную станцыю ў Астраўцы называюць "будоўляй стагоддзя". Хто падтрымлівае АЭС? Хто выступае супраць яе функцыянавання? Які ўплыў на эканоміку Беларусі акажа станцыя пасля фінальнага запуску? Апошнія навіны пра будаўніцтва БелАЭС - у матэрыялах Sputnik.

Віцэ-прэм'ер: Мінск і Масква абмяркуюць умовы крэдыту на будаўніцтва БелАЭС

© Sputnik / Виктор ТолочкоВіцэ-прэм'ер: Мінск і Масква абмяркуюць умовы крэдыту на будаўніцтва БелАЭС
Віцэ-прэм'ер: Мінск і Масква абмяркуюць умовы крэдыту на будаўніцтва БелАЭС - Sputnik Беларусь
Падпісацца
Паводле слоў першага віцэ-прэм'ера, прэзідэнты шмат часу надалі пытанням будаўніцтва БелАЭС на мінулай сустрэчы ў Сочы.

МІНСК, 9 лют - Sputnik. Урады Беларусі і Расіі абмяркуюць умовы крэдыту на будаўніцтва БелАЭС, заявіў журналістам першы віцэ-прэм'ер рэспублікі Дзмітрый Крутой.

Тэме будаўніцтва Беларускай атамнай станцыі прэзідэнты Беларусі і Расіі надалі ўвагу падчас сваёй апошняй сустрэчы ў мінулую пятніцу ў Сочы.

"Вельмі шмат часу прэзідэнты надалі разгляду сітуацыі з будаўніцтвам атамнай электрастанцыі ў Астраўцы. На сённяшні дзень гэта, напэўна, самы значны сумесны інтэграцыйны праект. Па першым блоку мы зараз падыходзім да вельмі важнай стадыі пусканаладачных работ. Зразумела, што тут вельмі важна старанна рухацца і вывяраць ўсе крокі вельмі скрупулёзна", - паведаміў Крутой.

Паводле слоў першага віцэ-прэм'ера, усім адказным было даручана да канца лютага пакласці ужо канчатковы графік завяршэння работ па першым блоку.

"Плюс на ўзроўні ўрадаў павінны адбыцца перамовы па абмеркаванні умоў крэдыту на фінансаванне станцыі. З улікам пэўнага перасоўвання тэрмінаў, якое ўжо адбылася", - дадаў Крутой.

Нагадаў Крутой і пазіцыю Мінска аб тым, што БелАЭС павінна быць самай бяспечнай. Як дадаў віцэ-прэм'ер, ніякай спешкі ў гэтым пытанні быць не можа, усё павінна быць старанна выверана.

Крутой растлумачыў, што пытанне змен умоў крэдыту - прадмет перамоваў профільных ведамстваў і Мінфінаў.

"Тут відавочнае рашэнне з улікам невялікай затрымкі тэрмінаў. Мы просім адкласці час пачатку выплат па крэдыту. Плюс мы просім, каб не несці дадатковыя нагрузкі, рассунуць тэрмін гэтага крэдыту і некалькі знізіць працэнтную стаўку, прывёўшы яе ў адпаведнасць прыкладна з тымі кантрактамі, якія існуюць у "Расатама" ў іншых краінах. Можа быць невялікая карэктыроўка працэнтнай стаўкі. Але пакуль тут пра канчатковыя дамоўленасці казаць рана, яшчэ павінны сур'ёзна папрацаваць эксперты", - сказаў на заканчэнне першы віцэ-прэм'ер, яго словы пры вяла БелТА.

БелАЭС будуецца непадалёк ад Астраўца (Гродзенская вобласць). Будаўніцтва ідзе ў асноўным за кошт сродкаў расійскага боку: Масквой быў выдзелены крэдыт на ўзвядзенне станцыі. Генпадрадчыкам аб'екта выступае кампанія "Атамбудэкспарт", якая ўваходзіць у карпарацыю "Расатам".

Стужка навiн
0