Прыорбанк прадасць дзяржаўную долю на аўкцыёне - рыхтуецца праект указа

© Sputnik / Александр ШурмелевПрыорбанк
Прыорбанк - Sputnik Беларусь
Падпісацца
У красавіку мінулага года Дзяржкаммаёмасць ацэньвала дзяржаўную долю ў Прырбанку ў 17 мільёнаў еўра.

МІНСК, 13 лют - Sputnik. Разгляд праекта ўказа аб продажы дзяржаўнай долі Прыёрбанка на аўкцыёне знаходзіцца на завяршальнай стадыі. Пра гэта старшыня Дзяржкаммаёмасці Андрэй Гаеў паведаміў на пасяджэнні калегіі камітэта ў аўторак.

Нацыянальны банк Беларусі - Sputnik Беларусь
Нацбанк вызначыў самыя важныя для эканомікі банкі

"У дачыненні да Прыорбанка на завяршальным этапе знаходзіцца разгляд праекта ўказа кіраўніка дзяржавы, які прадугледжвае продаж пакета акцый, які належыць дзяржаве (больш за 6%), на аўкцыёне", - сказаў Гаеў, яго цытуе БелТА.

Вядома, што ў красавіку мінулага года Дзяржкаммаёмасць ацэньвала дзяржаўную долю ў Прыорбанку ў 17 мільёнаў еўра. У цяперашні час 87,74% у статутным фондзе Прыорбанка належыць Raiffeisen CIS Region Holding GmbH (Аўстрыя).

Цікавасць да куплі дзярждолі Прыорбанка раней выяўляў Еўрапейскі банк рэканструкцыі і развіцця (ЕБРР): ён паэтапна купляў акцыі банка з 1998 года, затым прадаючы іх Raiffeisen. У ЕБРР не выключалі, што пры куплі дзярждолі ў далейшым могуць перапрадаць яе асноўнаму акцыянеру.

Разам з тым, як адзначаў першы віцэ-прэзідэнт ЕБРР Юрген Рыгтэрынк, банк не стане прэтэндаваць на дзяржаўную долю "Прыорбанка", калі яна будзе выстаўлена на аўкцыён.

"Наш удзел не прыўносіць дадатковай карысці тым, хто таксама ўдзельнічае ў гэтым аўкцыёне, а, хутчэй, стварае непатрэбную канкурэнтную барацьбу", - сказаў ён.

Абмеркаванне дадзенага пытання паміж ЕБРР і ўрадам можа аднавіцца ў выпадку, калі аўкцыён не адбудзецца.

Прыорбанк - адзін з найбуйнейшых банкаў у Рэспубліцы Беларусі. Ён знаходзіцца на шостым месцы ў рэйтынгу Нацыянальнага банка рэспублікі, апярэджваючы ў тым ліку дзяржаўны Белінвестбанк і многія іншыя. Яго актывы складаюць больш за 4,6 мільярда.

Стужка навiн
0