Стаўка рэфінансавання зніжана да рэкордных 8,75%

© Pixabay / stevepbПраца з дакументамі, архіўнае фота
Праца з дакументамі, архіўнае фота - Sputnik Беларусь
Падпісацца
Мяркуецца, што такое рашэнне дапаможа падтрымліваць інфляцыю каля мэтавага арыентыра ў 2020 годзе.

МІНСК, 19 лют - Sputnik. Стаўка рэфінансавання ў Беларусі з 19 лютага зніжаецца да 8,75% гадавых, паведамляе Sputnik.

Старшыня праўлення Нацбанка Павел Калаур - Sputnik Беларусь
Нацбанк патлумачыў рэкорднае зніжэнне стаўкі рэфінансавання

Рашэнне было прынята Нацбанкам Беларусі на мінулым тыдні. Адназначнага значэння ўпершыню ў гісторыі рэспублікі стаўка рэфінансавання дасягнула ў мінулым жніўні, калі рэгулятар знізіў яе з 10% да 9,5%; у лістападзе стаўка дасягнула 9%.

З 19 лютага стаўка рэфінансавання зніжана да 8,75% гадавых, стаўка па крэдыце овернайт апусцілася з 10% да 9,75% гадавых, стаўка па дэпазіце овернайт - з 8% да 7,75%.

Мяркуецца, што такое рашэнне паспрыяе захаванню нейтральнага характару манетарнай палітыкі - гэта дазволіць падтрымліваць інфляцыю каля мэтавага арыентыра ў 2020 годзе (у межах 5%). У наступны раз праўленне Нацбанка абмяркуе грашова-крэдытную палітыку 13 мая.

Стаўка рэфінансавання - гэта працэнт, пад які Нацбанк выдае крэдыты камерцыйным банкам. Зніжэнне гэтага паказчыка кажа аб павелічэнні прыбытковасці саміх банкаў і пра тое, што яны могуць прадастаўляць больш даступныя крэдыты насельніцтву. Аналітыкі сцвярджаюць, што са зніжэннем стаўкі эканамічны рост паскараецца.

Стужка навiн
0