Казахстан гатовы прадаваць Беларусі нафту з экспартнай пошлінай

© Sputnik / Сергей ЛескетьЗдабыча нафты
Здабыча нафты - Sputnik Беларусь
Падпісацца
Мытная пошліна неабходная, на думку казахстанскага боку, каб не дапусціць рээкспарт сыравіны ў Еўрапейскі саюз.

МІНСК, 2 сак - Sputnik. Казахстан гатовы прадаваць нафту Беларусі па кошце, у які будзе ўключана экспартная пошліна, заявіў у панядзелак віцэ-міністр гандлю і інтэграцыі Казахстана Кайрат Тарэбаеў.

Танкер кампаніі SOCAR - Sputnik Беларусь
SOCAR адправіць танкер з нафтай для Беларусі 5-6 сакавіка

Раней беларускі віцэ-прэм'ер Ігар Ляшэнка паведаміў у лютым, што пагадненне з казахстанскім бокам аб пастаўках "чорнага золата" можа быць падпісана ў бліжэйшы час. Беларускі бок зацікаўлены ў бяспошлінных пастаўках нафты з Казахстана трубаправодным транспартам па расійскай тэрыторыі.

"Казахстан гатовы прадаваць нафту Беларусі пры ўмове выплаты экспартнай пошліны", - цытуе Тарэбаева БелТА.

Паводле яго слоў, Казахстан выкарыстоўвае мытную пошліну на нафту ў памеры 60 долараў за тону сырой нафты і каля 30 долараў за нафтапрадукты.

"Беларусь, у выпадку заключэння пагаднення паміж нашымі краінамі, павінна будзе таксама выкарыстоўваць гэтую экспартную пошліну, каб не было ператокаў нафты з Казахстана ў Еўрапейскі саюз праз яе тэрыторыю", - удакладніў віцэ-міністр гандлю і інтэграцыі Казахстана.

Пры гэтым казахстанскі бок ужо падлічыў, што калі не выкарыстоўваць экспартную пошліну, то бюджэт краіны страціць каля 200 мільёнаў долараў, улічваючы патрэбы беларускага боку ў аб'ёме 3,5 мільёна тон нафты.

"Мы спадзяемся, што беларускія калегі змогуць правільна вырашыць гэтае пытанне і гарантаваць нам тое, што не будзе рээкспарту, а той тавар, які будзе вырабляцца на НПЗ Беларусі, будзе спажывацца ўнутры краіны", - падкрэсліў Тарэбаеў.

У цяперашні час у Казахстане чакаюць гарантый, што ў выпадку заключэння пагаднення будуць улічаныя інтарэсы абодвух бакоў.

Нафтавае пытанне

Беларусь і Расія да пачатка 2020 года не змаглі прыйсці да пагаднення па кошце нафты: рэспубліка адмаўляецца плаціць пастаўшчыкам прэмію ў 6 долараў за тону да кошту пастаўкі. На гэтым фоне 1 студзеня былі прыпыненыя пастаўкі сыравіны ў рэспубліку.

Мазырскі НПЗ - Sputnik Беларусь
Беларускія НПЗ перапрацоўваюць ўсяго 1 мільён тон нафты ў месяц

У якасці часовай меры Беларусь закупіла 750 тысяч тон у кампаній расійскага бізнесмена Міхаіла Гуцарыева, якія пагадзіліся працаваць без прэміі. Адначасова, як заяўляе ўрад, вядуцца перамовы з альтэрнатыўнымі пастаўшчыкамі нафты.

У студзені рэспубліка таксама дамовілася аб куплі 80 тысяч тон нарвежскай нафты для "Нафтана" - марка Johan Sverdrup максімальная блізкая па характарыстыках да Urals. Пастаўляцца яна будзе праз порт Клайпеды, які ў год можа прапусціць толькі 3,6 мільёна тон. Акрамя таго, за перавалку і транспарціроўку нарвежскай сыравіны Беларусь пераплачвае па 20 долараў за тону.

Для загрузкі аднаго "Нафтана" патрабуецца каля дзевяці мільёнаў тон штогод, гэта значыць каля 25 тысяч тон штодня. Мазырскі НПЗ перапрацоўвае каля дзесяці мільёнаў тон у год. Большая частка прадукцыі "нафтахіму" ідзе на экспарт у выглядзе светлых нафтапрадуктаў, у першую чаргу аўтамабільнага паліва.

Без альтэрнатывы?

Беларусь ужо шукала альтэрнатыўныя крыніцы нафты ў папярэднія гады. Так, у Венесуэлы рэспубліка закупляла марку Santa Barbara на пачатку 2010-х. Аднак надзвычай дарагая лагістыка і нізкая якасць сыравіны вымусілі звярнуцца да своп-схемы з Азербайджанам. Усяго рэспубліка закупіла ў Венесуэлы за тры гады амаль 3,4 мільёнаў тон. Цікава, што сярэдні кошт за тону расійскай сыравіны для Беларусі ў 2010 годзе была 434 долара, венесуэльскай - 647 долара.

Крыху менш за мільён тон Беларусь закупіла ў Азербайджана ў 2011-м - па кошце ў 838 долараў за тону. Для параўнання: расейская нафта тады ж каштавала каля 430 долараў за тону. У 2016-м Беларусь зноў звярнулася да Азербайдлжана за брэндамі Azeri Light і CPC Blend, аднак таксама ў невялікіх аб'ёмах: 560 тысяч тон. У 2017 рэспубліка закупіла 1,4 мільёна тон нафты ў Ірана.

Пакрыць патрэбы Беларусі ў нафце не могуць ні Азербайджан, ні Казахстан, ні іншыя краіны-партнёры. Акрамя таго, яе ўсё роўна прыйдзецца "разводзіць" расійскай, бо беларускія НПЗ "заточаныя" пад Urals. Пры гэтым кошт альтэрнатыўных пастаўшчыкоў заўсёды перавышае кошт на расійскую сыравіну. Розніца з улікам лагістыкі можа дасягаць практычна два разы.

У мінулым годзе Беларусь купляла ў Расіі нафту па сярэднім кошце ў 364 долара за тону. Пры гэтым рэспубліка плаціла за сыравіну толькі 83% ад сусветнага кошту нафты.

Стужка навiн
0