22:54 25 студзеня 2021
«Радыё Sputnik»
  • USD2.56
  • EUR3.11
  • 100 RUB3.41
Эканоміка
Атрымаць кароткую спасылку
2511

Беларускія аграрыі, на думку прэзідэнта, недастаткова ўвагі надаюць якасці і тэхналогіям нарыхтоўкі кармоў для жывёлы.

МІНСК, 12 чэр - Sputnik. Прэзідэнт Беларусі заявіў падчас рабочай паездкі ў Полацк, што не збіраецца вучыць тэхналогіям нарыхтоўкі кармоў аграрыяў на месцах.

"З верталёта прэзідэнт звярнуў увагу на ход сяльгасработ. Не ўсе ідэальна на Віцебшчыне", - пра гэта паведаміў Telegram-канал "Пул першага".

Аляксандр Лукашэнка адразу па прыбыцці ў паўночны рэгіён задаў старшыні віцебскага аблвыканкама Мікалаю Шарстнёву пытанне, як ідуць справы ў сельскай гаспадарцы, і ў прыватнасці, нарыхтоўцы кармоў.

"Ён звярнуў увагу на факты бязладнасці ў сельскай гаспадарцы, калі нарыхтаванае ў рулонах сена застаецца доўга на палях і мокне пад дажджом, губляючы сваю якасць", - піша БелТА.

"Я не збіраюся вас вучыць тэхналогіям. Карма будуць няякасныя - зноў будзем змагацца з падзяжом жывёлы", - адзначыў кіраўнік дзяржавы.

Пасля чаго дадаў, што ведае аб высокай зацікаўленасці мясцовых уладаў у добрых паказчыках работы сельскагаспадарчай галіны, але чамусьці выходзіць часам з дакладнасцю да наадварот.

"Звярніце ўвагу. Якасць і яшчэ раз якасць!" - даў сваю параду аграрыям Аляксандр Лукашэнка.

Тэги:
Сельская гаспадарка, Віцебская вобласць, Аляксандр Лукашэнка

Галоўныя тэмы