11:42 15 жніўня 2020
«Радыё Sputnik»
  • USD2.46
  • EUR2.90
  • 100 RUB3.36
Эканоміка
Атрымаць кароткую спасылку
710

Беларуская эканоміка, паводле слоў прэм'ер-міністра, за пяць месяцаў "недабрала" каля 2% ВУП, і кампенсаваць іх за кошт нейкіх рэзерваў не атрымаецца - толькі напрацоўваць у пакінуты час.

МІНСК, 8 ліп - Sputnik. Сітуацыя ў эканоміцы Беларусі не радасная, але кантралюемая, заявіў прэм'ер-міністр Раман Галоўчанка падчас сустрэчы з работнікамі Барысаўскага завода аўтатрактарнага электраабсталявання.

"Калі казаць у цэлым аб сітуацыі, не хачу сказаць, што яна абсалютна радасная, што мы лёгка праходзім гэты перыяд, але яна кантралюемая", - цытуе Галоўчанка БелТА.

На стан эканомікі аказала ўплыў пандэмія і звязанае з ёй запаволенне, а ў асобных краінах і прыпыненне вытворчасці. Эканамічны спад закрануў многія краіны, пры гэтым Беларусь на фоне іншых, па словах Галоўчанкі, здала не так ужо і моцна.

"Калі за пяць месяцаў мы недабралі 1,8% ВУП, то гэтыя паказчыкі ў Расійскай Федэрацыі, краінах Еўрасаюза ў разы больш", - сказаў ён.

Аднак іншыя краіны маюць рэзервы кампенсаваць страты першага паўгоддзя - за кошт наяўных рэзерваў або карысных выкапняў. У Беларусі такіх магчымасцяў няма.

"Мы можам выдаткаваць тое, што вырабім ўласнымі рукамі і галовамі", - адзначыў прэм'ер.

Пры гэтым ён нагадаў, што частка галін беларускай эканомікі нават ва ўмовах пандэміі дэманструюць рост і дазваляюць пазбегнуць рэзкага падзення ВУП - гэта сельская гаспадарка, будаўніцтва, інфармацыя і сувязь. Яны растуць на фоне крызісу.

Як дастаткова стабільную ацаніў прэм'ер і сітуацыю на спажывецкім рынку краіны.

"Кошты на тавары не ўзляцелі з-за таго, што дзяржава жорстка рэгулявала іх, у тым ліку на сацыяльна значныя", - падкрэсліў ён.

Раман Галоўчанка упэўнены, што далейшае развіццё краіны і канкрэтнага прадпрыемства залежыць ад працы кожнага чалавека на сваім месцы. На яго думку, калі кожны зможа эфектыўна спрацаваць на сваім месцы, можна разлічваць і на сукупны эфект.

Тэги:
Раман Галоўчанка, Беларусь

Галоўныя тэмы