Белорусская АЭС - Sputnik Беларусь
БелАЭС
Беларускую атамную станцыю ў Астраўцы называюць "будоўляй стагоддзя". Хто падтрымлівае АЭС? Хто выступае супраць яе функцыянавання? Які ўплыў на эканоміку Беларусі акажа станцыя пасля фінальнага запуску? Апошнія навіны пра будаўніцтва БелАЭС - у матэрыялах Sputnik.

Расатам: другі блок БелАЭС здадуць заказчыку ў сярэдзіне 2022 года

© Photo : Vk / РУП "Белорусская АЭС"Беларуская АЭС, архіўнае фота
Беларуская АЭС, архіўнае фота - Sputnik Беларусь
Падпісацца
У карпарацыі разлічваюць, што супрацоўніцтва з беларускімі спецыялістамі не спыніцца з уводам у эксплуатацыю станцыі каля Астраўца.

МІНСК, 7 жні - Sputnik. Другі блок Беларускай атамнай электрастанцыі будзе здадзены заказчыку ў сярэдзіне 2022 года, пра гэта першы намеснік генеральнага дырэктара па аперацыйнаму кіраванні дзяржкарпарацыі "Расатам" Аляксандр Локшын паведаміў журналістам пасля пачатку загрузкі ядзернага паліва ў рэактар першага энергаблока БелАЭС ў пятніцу.

Поле на фоне градзірняў БелАЭС - Sputnik Беларусь
Каранкевіч: першую электраэнергію на БелАЭС плануецца атрымаць увосень

"Па другім блоку працуем у графіцы. Ён павінен быць здадзены заказчыку ў сярэдзіне 2022 года", - цытуе Локшына БелТА.

Паводле яго слоў, карпарацыя разлічвае на працяг супрацоўніцтва з беларускімі спецыялістамі і пасля ўводу станцыі паблізу Астраўца.

"Мы будуем у свеце шмат блокаў, і ўжо ў двух нашых будоўлях ўдзельнічаюць беларускія спецыялісты - на Курскай АЭС і "Руппур" у Бангладэш. Так што мы спадзяемся, што супрацоўніцтва не спыніцца з уводам у эксплуатацыю беларускай станцыі", - сказаў першы намеснік гендырэктара "Расатама".

Раней у карпарацыі заявілі пра пачатак загрузкі ядзернага паліва ў рэактар энергаблока №1 Беларускай АЭС. Пасля завяршэння работ па забеспячэнню надзейнасці і бяспекі станцыі пачнецца фізічны пуск, пасля якога магутнасць рэактарнай устаноўкі будзе паступова павышацца. А пасля фізічнага пуску наступіць этап энергетычнага - тады БелАЭС упершыню пачне выпрацоўваць электрычнасць і выдаваць яго ў сетку. Увод у прамысловую эксплуатацыю энергаблока БелАЭС запланаваны на пачатак 2021 года.

Беларуская АЭС з двума рэактарамі ВВЭР-1200 сумарнай устаноўленай электрычнай магутнасцю 2400 МВт будуецца ў Астраўцы (Гродзенская вобласць). Для першай у краіне АЭС выбраны перадавой расійскі праект пакалення 3+, які цалкам адпавядае міжнародным нормам і рэкамендацыям МАГАТЭ па бяспецы. Увод у прамысловую эксплуатацыю энергаблока №2 запланаваны на 2022 год.

Стужка навiн
0