18:43 19 кастрычніка 2020
«Радыё Sputnik»
  • USD2.57
  • EUR3.01
  • 100 RUB3.30
Эканоміка
Атрымаць кароткую спасылку
Будаўніцтва БелАЭС у Астраўцы (103)
810

Будаўніча-мантажныя работы на другім энергаблоку станцыі выкананы на 75%.

МІНСК, 16 кас - Sputnik. Першы энергаблок Беларускай АЭС гатовы на 98%, ужо на пачатку лістапада на ім пачнецца энергетычны пуск, заявіў міністр энергетыкі Віктар Каранкевіч.

"Ужо праведзена загрузка свежага ядзернага паліва ў актыўную зону рэактара, выкананы гідравыпрабаванні. Цяпер на завяршальнай стадыі знаходзіцца этап фізічнага пуску, калі рэактарная ўстаноўка выведзена на мінімальна кантраляваны ўзровень магутнасці", - сказаў кіраўнік Мінэнерга, выступаючы на Форуме па развіцці электрамабільнасці E-Mobility 2020.

Паводле яго слоў, у лістападзе пачнецца энергетычны пуск першага блока, г.зн. вытворчасць першых кілават-гадзін з выдачай іх у энергасістэму краіны.

"Увод энергаблока ў эксплуатацыю плануецца ў першым квартале 2021 года", - сказаў міністр.

На другім энергаблоку БелАЭС будаўніча-мантажныя работы выкананы на 75%, праводзіцца індывідуальнае апрабаванне асноўнага тэхналагічнага абсталявання.

"Увод блока ў эксплуатацыю запланаваны на 2022 год", - праінфармаваў кіраўнік Мінэнерга.

Тэмы:
Будаўніцтва БелАЭС у Астраўцы (103)
Тэги:
БелАЭС

Галоўныя тэмы