Напрамкі выкарыстання сродкаў інвестфондаў пашырылі ў Беларусі

© Sputnik / Алексей Филиппов / Перайсці ў медыябанкРабочыя на будаўніцтве жылога комплексу
Рабочыя на будаўніцтве жылога комплексу - Sputnik Беларусь
Падпісацца
Беларускі ўрад дазволіў накіроўваць грошы на аплату дакументацыі, пошукавых работ, паслуг па правядзенні дзяржэкспертызы і дзяржнагляду, маркетынгавых даследаванняў і пераклад дакументаў, звязаных з рэалізацыяй інвестпраектаў.

МІНСК, 27 кас - Sputnik. У Беларусі пашырылі напрамкі выкарыстання сродкаў пазабюджэтных цэнтралізаваных інвестыцыйных фондаў, адпаведная пастанова Савета міністраў №602 ад 22 кастрычніка апублікавана ў аўторак на Нацыянальным прававым інтэрнэт-партале.

Будаўніцтва жылога комплексу - Sputnik Беларусь
Парадак ажыццяўлення тэхнагляду ў будаўніцтве зацвердзілі ў Беларусі

Гэты дакумент уносіць змяненні ў Палажэнне аб парадку і мэтах выкарыстання сродкаў пазабюджэтных цэнтралізаваных інвестыцыйных фондаў. У прыватнасці, у пастанове гаворыцца, што сродкі фондаў можна будзе выкарыстоўваць не толькі на будаўніцтва будынкаў і збудаванняў, інжынерных і транспартных камунікацый, але і на аплату праектнай і каштарыснай дакументацыі, пошукавых работ, паслуг па правядзенні дзяржэкспертызы і дзяржнагляду.

Таксама грошы з фондаў можна вылучаць для аплаты маркетынгавых даследаванняў, фінансавання развіцця матэрыяльна-тэхнічнай базы суб'ектаў інавацыйнай інфраструктуры і галіновых лабараторый. Акрамя таго, дазволілі выкарыстоўваць сродкі для аплаты перакладу дакументаў, якія звязаны з рэалізацыяй інвестпраектаў з прыцягненнем сродкаў міжнародных фінансавых арганізацый.

У дакуменце пералічваюцца крыніцы, з якіх сродкі залічваюцца ў інвестфонды. Таксама ва ўрадзе удакладнілі, што рэшта сродкаў фондаў на канец фінансавага года накіроўваецца на расходы адпаведных фондаў у наступным фінансавым годзе ў адпаведнасці з беларускім заканадаўствам.
Пастанова Саўміна ўступае ў сілу з моманту яго афіцыйнага апублікавання.

Стужка навiн
0