22:15 24 студзеня 2021
«Радыё Sputnik»
  • USD2.55
  • EUR3.10
  • 100 RUB3.43
Эканоміка
Атрымаць кароткую спасылку
1910

Зніжэнне коштаў на званкі дзейнічае ў тэставым рэжыме, але ад пачатку 2021 года эксперыментальныя тарыфы могуць стаць пастаяннымі, заяўляюць найбуйнейшыя мабільныя аператары Расіі.

МІНСК, 25 ліс - Sputnik, Данара Курманава. Адмена роўмінгу на тэрыторыі Саюзнай дзяржавы ўжо не за гарамі, аб гэта ў інтэрв'ю РІА "Новости" заявіў намеснік міністра замежных спраў Расіі Андрэй Рудэнка.

"З 1 лістапада аператары перайшлі на тэставы рэжым працы па новай сістэме тарыфікацыі, які ў разы скарачае кошт званкоў. Ідзе апрабаванне ўзаемадзеяння расійскіх і беларускіх кампаній сотавай сувязі", - распавёў ён.

Цэны на ўваходныя і выходныя званкі паміж Расіяй і Беларуссю ўжо панізіў шэраг найбуйнейшых расійскіх мабільных аператараў. Як паведамілі агенцтву Sputnik у прэс-службе "Мегафон", з 1 лістапада кампанія паменшыла кошт званкоў і sms-паведамленняў для абанентаў, якія знаходзяцца ў зоне роўмінгу ў Беларусі.

"Раней ўваходныя і выходныя званкі каштавалі 99 расійскіх рублёў у хвіліну. З лістапада ўваходны званок каштуе 3,5 рубля за хвіліну, а выходны - 5. Кошт sms склаў 3,5 рубля замест 29", - распавялі ў прэс-службе кампаніі.

Знізіла абаненцкія тарыфы ў рамках эксперыменту і кампанія МТС. Цяпер у зоне роўмінгу на тэрыторыі Беларусі ўваходныя званкі стаяць 2 рублі за хвіліну, а выходныя званкі на расійскія і беларускія нумары - 5 рублёў, кошт sms-паведамленняў - 2 рублі.

Новая сістэма тарыфікацыі ў рамках тэставага рэжыму будзе дзейнічаць да канца снежня 2020 года. Аднак са студзеня 2021 года тарыфы могуць стаць пастаяннымі.

У "Білайне" не адказалі на запыт Sputnik Беларусь.

У 2019 годзе міністры сувязі дзвюх краін падпісалі дакумент аб рэалізацыі рэзалюцыі вышэйшага дзяржсавета Саюзнай дзяржавы па пытанні адмены роўмінгу.

Тэги:
роўмінг, Беларусь, Расія

Галоўныя тэмы