08:21 26 студзеня 2021
«Радыё Sputnik»
  • USD2.56
  • EUR3.11
  • 100 RUB3.41
Эканоміка
Атрымаць кароткую спасылку
26 0 0

Беларускія ўлады заявілі пра намер пераарыентаваць экспарт нафтапрадуктаў з тэрміналаў балтыйскіх рэспублік на расійскую Усць-Лугу.

МІНСК, 6 сту – Sputnik. Перакідка беларускага экспарту на расійскія порты прапрацоўваецца на ўзроўні экспертаў, сказаў пасол Расіі Дзмітрый Мезенцаў пры перадачы гуманітарнай дапамогі беларускаму Міністэрству аховы здароўя, перадае карэспандэнт Sputnik.

Раней міністр энергетыкі Расіі Аляксандр Новак пацвердзіў, што беларускі бок мае намер пачаць экспарт нафтапрадуктаў праз расійскія порты.

Расійскі пасол адзначыў, што яму здаецца, што вядзецца паспяховая работа, экспертная перш за ўсё.

Паводле яго слоў, ідзе вызначэнне алгарытму, як пераарыентаваць частку беларускага экспарту грузаў на расійскія порты.

"Як толькі будуць змястоўныя дамоўленасці на ўзроўні рэспубліканскіх ведамстваў, мы ўсё вам неадкладна паведамім. Прагноз аптымістычны", - запэўніў Дзмітрый Мезенцаў.

Аперацыя "Пераарыентацыя"

Нагадаем, Аляксандр Лукашэнка прапанаваў перанакіраваць ўсе гандлёвыя патокі з Літвы яшчэ ў канцы жніўня. Ён тады адзначыў, што "30% літоўскага бюджэту фарміруюць нашы грузапатокі праз Літву". Лукашэнка лічыць, што ў Вільні "зажраліся" і прыйшла пара "паставіць на месца".

Раней Аляксандр Новак казаў, што Расія абмяркоўвае перанакіраванне 4-6 мільёнаў тон беларускіх нафтапрадуктаў з Літвы ў расійскія порты. Свабодныя магутнасці марскіх тэрміналаў па перавалцы нафтапрадуктаў яшчэ ёсць, як і магчымасць стварыць ўзаемавыгадныя эканамічныя ўмовы з беларускімі партнёрамі. У першую чаргу гаворка ідзе пра паўночна-заходнія порты - Усць-Луга, Прыморск і Санкт-Пецярбург.

Чытайце таксама:

Тэги:
Беларусь, Расія, Экспарт, Дзмітрый Мезенцаў

Галоўныя тэмы