МІНСК, 15 вер — Sputnik. Вярхоўны суд разгледзіць у сераду скаргу эканаміста Віктара Цярэшчанкі на адмову рэгістрацыі кандыдатам у прэзідэнты, пра гэта Sputnik паведаміла прэс-сакратар ВС Анастасія Цімановіч.
Віктару Цярэшчанку адмовілі ў рэгістрацыі кандыдатам з-за таго, што ў яго падтрымку прызнаныя сапраўднымі менш за сем тысяч подпісаў з неабходных 100 тысяч.
"Грамадзянская справа па скарзе на дзеянні Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў аб адмове Цярэшчанка У.І. ў рэгістрацыі ў прэзідэнты Рэспублікі Беларусь пройдзе 16 верасня", — паведамілі ў Вярхоўным судзе.
Віктар Цярэшчанка раней афіцыйна адмовіўся ад удзелу ў прэзідэнцкай гонцы пасля таго, як яго "атруцілі" маркоўным фрэшам са сліўкамі. Зрэшты, крымінальную справау праваахоўнікі заводзіць адмовіліся. Такое рашэнне Ленінскага РАУС Мінска Цярэшчанка мае намер абскардзіць.
