Вера Дашкевіч, Sputnik
Міжнародны дзень рэзервовага капіравання вырашылі адзначаць 31 сакавіка, каб 1 красавіка не застацца ў дурнях. Карыстальнікі сайта сацыяльных навін reddit.com, ініцыятары карыснага свята, некалькі гадоў таму заўважылі, што менавіта 1 красавіка актывізуюцца сур'ёзныя вірусы. Вынікам дзеяння гэтых вірусаў былі збоі ў працы і страта дадзеных.
Дзень бэкапу — гэта спроба нагадаць радавым карыстальнікам (прафесіяналы небяспекі ведаюць і ўмеюць іх пазбягаць), што сямейныя фатаграфіі, відэа- і важныя дакументы трэба дубляваць. Ёсць два варыянты.
Першы — самы прасты — зрабіць копію на флэшку ці знешні жорсткі дыск.
Другі — размясціць файлы ў хмарнае анлайн сховішча.
Што сапраўды не варта рабіць, дык гэта пускаць сітуацыю на самацёк. Тэхнічныя збоі і выпадковыя выдаленні файлаў адбываюцца раптоўна і заўсёды нечакана.
Каб не страціць важную інфармацыю, рабіце копіі!
