15:00 21 кастрычніка 2018
«Радыё Sputnik»
  • USD2.11
  • EUR2.42
  • 100 RUB3.21
13 кастрычніка

Які сёння дзень: 13 кастрычніка 2018 года

© Sputnik
Падзеі і даты
Атрымаць кароткую спасылку
6610

Гэты дзень з'яўляецца дзвесце восемдзесят шостым па грыгарыянскім календары, да канца года застаецца 79 дзён.

Сёння святкуюць Міжнародны дзень за зніжэнне стыхійных бедстваў. Якія яшчэ падзеі адбыліся 13 кастрычніка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 13 кастрычніка

  • У 1795 годзе ў Санкт-Пецярбургу ўпаўнаважаныя Аўстра-Венгрыі, Прусіі і Расіі падпісалі канвенцыю аб 3-м падзеле Рэчы Паспалітай.
  • У 1929 годзе ў Мінску пачаўся рух трамваяў.
  • У 1993 годзе Беларусь устанавіла дыпламатычныя адносіны з Замбіяй.
  • У 1999 годзе была створаная Віцебская дыяцэзія.

Хто нарадзіўся 13 кастрычніка

  • 1847 год: Эдвард Вайніловіч, гаспадарчы і палітычны дзеяч Беларусі і Расійскай імперыі.
  • 1888 год: Язэп Драздовіч, беларускі мастак, скульптар, этнограф.
  • 1896 год: Мікола Шчакаціхін, мастацтвазнавец, гісторык, тэарэтык мастацтва, даследаваў выяўленчае мастацтва і архітэктуру Беларусі ад старажытнейшых часоў да сучаснасці.
  • 1896 год: Мікалай Шчаглоў-Куліковіч, беларускі кампазітар, музыколаг.

Таксама сёння нарадзіліся прэм'ер-міністр Вялікабрытаніі Маргарэт Тэтчэр і французскі спявак-шансанье Іў Мантан.

13 кастрычніка ў народным календары

Сёння Праваслаўная царква шануе памяць святапакутніка Грыгорыя, які паходзіў з роду грузінскіх цароў.

У народзе Грыгорыя называлі Рыгор Саламяны, таму што ў гэты дзень выносілі з хаты матрацы, вытрасалі з іх старую салому. Па стане гэтай саломы меркавалі пра здароў'е чалавека: ці не падгніла салома, не адсырэла.

13 кастрычніка таксама маці мылі малых дзяцей з рэшата: налівалі ў яго цёплую ваду і палівалі малога, нібы душам. Гэты дзень лічыўся спрыяльны для вылячэння псуты ў дзяцей.    

Калі ў гэты дзень выпаў снег, лічылася, што зіма прыйдзе яшчэ не скора, а лета будзе добрым і ўраджайным.

Тэги:
народны каляндар, які сёння дзень, Беларусь
Правілы карыстанняКаментары

Галоўныя тэмы