Жабка-падарожніца стала грашовым талісманам для турыстаў у Гродна

© Sputnik / Валерия СоловьеваСкульптар Уладзімір Панцялееў ўсталёўвае жабку-падарожніцу пасля рамонту
Скульптар Уладзімір Панцялееў ўсталёўвае жабку-падарожніцу пасля рамонту - Sputnik Беларусь
Падпісацца
Раней турысты совалі грошы пад бронзавую жабку, а зараз змогуць класці ў адмысловую скрыначку і загадваць жаданні.

ГРОДНА, 1 кра — Sputnik, Валерыя Салаўёва. Скульптура гродзенскай жабкі-падарожніцы цяпер стала грашовым талісманам для гарадзенскіх турыстаў. Два месяцы таму яе забралі на рэканструкцыю, а ў пятніцу, 31 сакавіка, вярнулі на ранейшае месца — на высокую клумбу побач з турыстычным цэнтрам на вуліцы Ажэшкі.

Ваенна-гістарычны фестываль Воінава поле, архіўнае фота - Sputnik Беларусь
Рэканструктары эпохі вікінгаў збяруцца на фестывалі пад Гродна

Жабка з клункам на плячы і раней была ўлюбёнкай турыстаў. У канцы студзеня яе дэмантавалі, каб аднавіць пасля таго, як скульптуру сапсавалі вандалы. Невядомыя адламалі бронзавы посах і торбу.

Рэканструкцыя доўжылася амаль два месяцы. Як распавёў скульптар Уладзімір Панцялееў, каб адліць з бронзы страчаную частка, прыйшлося спецыяльна ехаць у Мінск, рабіць адмысловыя формы. Цяпер адарваць новы кій будзе больш складана — ён пасаджаны на вялікі надзейны ніт.

© Sputnik / Валерия СоловьеваБронзавую скульптуру ўстанавілі ў 2009 годзе ля инфомационного цэнтра па вуліцы Ажэшка, яна важыць 40 кілаграмаў
Бронзовую скульптуру установили в 2009 году возле инфомационного центра по улице Ожешко, она весит 40 килограммов - Sputnik Беларусь
Бронзавую скульптуру ўстанавілі ў 2009 годзе ля инфомационного цэнтра па вуліцы Ажэшка, яна важыць 40 кілаграмаў

Ідэя зрабіць жабку грашовым талісманам для турыстаў прыйшла зусім раптоўна. Калі скульптуру забіралі на рамонт, то знайшлі пад ёй шмат манет — літы, злотыя, еўра, расійскія рублі, грыўны. "Мы адразу вырашылі, што турысты не праходзілі спакойна міма жабкі, а грошы пакідалі на поспех і выкананне жаданняў", — адзначыў Панцялееў.

Менавіта таму было вырашана зрабіць для жабкі-падарожніцы цэлы металічны куфар-скарбонку. Падчас устаноўкі ў яе вярнулі знойдзеныя манеткі.

© Sputnik / Валерия СоловьеваПасля рэканструкцыі ў жабкі ёсць не толькі бронзавы посах, але і металічная шкатулка
После реконструкции у лягушки есть не только бронзовый посох, но и металлическая шкатулка - Sputnik Беларусь
Пасля рэканструкцыі ў жабкі ёсць не толькі бронзавы посах, але і металічная шкатулка

Як распавёў намеснік старшыні Рэспубліканскага турысцка-спартыўнага саюза Сяргей Каляда, якому ў 2009 годзе належала ідэя стварыць гэтую скульптуру, шкатулку плануюць адкрываць кожную пятніцу. А ключ ад яе будзе захоўвацца ў інфармацыйным цэнтры. Грошы пойдуць на добраўпарадкаванне тэрыторыі інфацэнтра і на дабрачыннасць. Суразмоўца адзначыў, што вандалы, якія абрабавалі бронзавую жабу, так і не былі знойдзеныя. Каб прадухіліць такія выпадкі, трэба ўсталяваць вонкавую відэакамеру. Цяпер трэба атрымаць дазвол ва ўладальніка будынка на гэта.

Стужка навiн
0