Палякі хочуць надрукаваць пашпарты з Вострай брамай

© Sputnik / Александр ЛиповецВострая брама
Вострая брама - Sputnik Беларусь
Падпісацца
У Польшчы збіраюцца выпусціць абноўленыя пашпарты, сярод прапанаваных малюнкаў-сімвалаў – Вострая брама ў Вільнюсе.

МІНСК, 3 жні — Sputnik. Польшча плануе выпусціць новыя пашпарты, дзе будзе намаляваны адзін з сімвалаў гісторыі Вялікага Княства Літоўскага — Вострая брама, паведамляе Sputnik Літва.

Вільнюс, архіўнае фота - Sputnik Беларусь
Вільня, якой не стаць Вільнюсам

Новы дызайн пашпартоў прымеркаваны да будучага святкавання 100-годдзя аднаўлення незалежнасці краіны.

З канца мінулага тыдня ў інтэрнэце праходзіць арганізаваная МУС кампанія "Спраектуй разам з намі новы пашпарт грамадзяніна Польшчы". Міністэрства прапанавала спіс з часткі нацыянальных сімвалаў, якія можна было б размеціць ў пашпартах. Жыхарам краіны прапануецца выбраць упадабаныя і прагаласаваць за іх на сайце. Усяго ведамства прадставіла 13 графічных матываў. Шэсць самых папулярных будуць увекавечаны на новым пашпарце.

Сярод асоб, месцаў і персанажаў, якія сімвалізуюць незалежнасць Польшчы, першы прэзідэнт Польшчы Габрыэль Нарутовіч, генерал Ёзэф Халер, розныя знакі, арлы, сімвалы, будаўнікі Гдыні, былы намеснік прэм'ер-міністра Польшчы Эўгеніюш Квяткоўскі.

У агульным спісе і Вострая брама ў Вільні, якая прадстаўлена міністэрствам як адмысловая польская традыцыя і чым маршал Юзэф Пілсудскі падзякаваў Вільнюсу.

Шопінг, замкі і Вільня наша: што беларусы ведаюць пра Літву - Sputnik Беларусь
Відэа
Шопінг, замкі і "Вільня наша": што беларусы ведаюць пра Літву

За Вострую браму ўжо сабрана больш за 14 тысяч галасоў, і на сённяшні дзень яна з'яўляецца адным з самых папулярных матываў, які палякі хацелі б бачыць на сваіх пашпартах. На першым месцы — сімвалічны арол, які ўпрыгожваў галаўныя ўборы ўланскага палка легіёну Юзэфа Пілсудскага. Ён сабраў 17 тысяч галасоў. Усе астатнія матывы сабралі па некалькі тысяч

Вострая брама — адзін з найважнейшых помнікаў гісторыі і архітэктуры Вільні, аб'ект рэлігійнага паломніцтва і турызму. Уяўляе сабой адзіную браму гарадской сцяны, якая захавалася да нашых дзён, і капліцу з цудадзейнай Іконай Маці Божай Вастрабрамскай, Маці Міласэрнасці — Апякункі Беларусі і Літвы.

Ёсць версіі, што назва паходзіць ад першапачатковых гатычных шпіляў на вежы брамы. Таксама існуе меркаванне, што назва пайшла ад наймення квартала Вільні — Востры канец і ад формаў вуліцы, якая звужаецца каля брамы. Распаўсюджанна гіпотэза аб тым, што назва звязана з асобаю Канстанціна Астрожскага, які быў адным з фундатараў будаўніцтва брамы.

Стужка навiн
0