04:36 16 снежня 2017
«Радыё Sputnik»
Вежа з аркай вырасце ў два разы, а другі паверх прыбудовы прыбяруць

На Замкавай гары ў Гродне археолагі знайшлі абарончы вал

© Sputnik/ Іна Грышук
Спадчына
Атрымаць кароткую спасылку
7410

Цікавай знаходкай археолагаў стаў выразна бачны ў напластаваннях зямлі вал старажытнага гарадзішча XII - XIII стагоддзяў.

МІНСК, 6 сне — Sputnik. На Замкавай гары ў Гродне працягваюць працаваць археолагі. З вонкавага боку замкавай сцяны яны паглыбіліся ўжо больш чым на два метры і раскрылі контрфорс, які ўмацоўваў яе, магчыма, на мяжы XIV — XV стагоддзяў, паведамілі Sputnik у прэс-службе Гродзенскага аблвыканкама.

"Мяркуючы па закладцы каменя, гэты будынак можа адносіцца да часоў Вітаўта", — лічыць супрацоўнік Гродзенскага гісторыка-археалагічнага музея Аляксандр Гаршкоў.

Цікавай знаходкай стаў выразна бачны ў напластаваннях зямлі вал старажытнага гарадзішча XII — XIII стагоддзяў. Частка яго раней адкрывалася падчас даследаванняў з другога боку замкавай сцяны, але цяпер яго мяжа значна шырэй.

Гэта ўнікальнае адкрыццё, паколькі папярэднія даследчыкі не пакінулі дэталёвых замалёвак абарончага вала.

"Гэта абарончае ўмацаванне неаднаразова рамантавалася, дасыпалася. Добра бачны пласты гліны, рэшткі арганікі, дрэва, якое, верагодна, служыла ўнутраным умацаваннем. Далей ідуць жвір і чорныя прапласткі вугалю. Яны сведчаць пра неаднаразовыя пажары.

Па своеасаблівым зрэзе землянога малюнка становіцца ясна, як ішоў абарончы вал, як з цягам часу мянялася яго канфігурацыя.

"На жаль, сказаць адназначна, калі ён быў узведзены, складана, але ў гэтых пластах сустракалася кераміка сярэдзіны XII-XIII стагоддзяў, — растлумачыў Аляксандр Гаршкоў.

По теме

У Гродне знайшлі кафлю, з якой рабілі печкі ў часы караля Баторыя
На раскопках у Гродна знайшлі шахматную ладдзю XIV стагоддзя
Тэги:
археология, Гродна, Беларусь
Правілы карыстанняКаментары

Галоўныя тэмы