10:37 13 лістапада 2018
«Радыё Sputnik»
  • USD2.14
  • EUR2.42
  • 100 RUB3.17
Сквер па вуліцы Замкавай побач з плошчай Савецкай у Гродне

Скандальная будоўля ў Гродне: якім будзе будынак у старой частцы горада

© Sputnik / Инна Гришук
Спадчына
Атрымаць кароткую спасылку
1710

Уладальнік будучага гандлёва-офіснага цэнтра распавёў, як будзе выглядаць будынак, які ён збіраецца пабудаваць у самай старой частцы Гародні.

ГРОДНА, 19 вер — Sputnik, Іна Грышук. Будоўля, якая больш за год трывожыць гісторыкаў і гараджан, пачнецца ўжо ў наступным годзе літаральна ў 20 метрах ад галоўнай плошчы.

Як будзе выглядаць гандлёва-офісны цэнтр плошчай каля тысячы квадратных метраў на месцы сквера па вуліцы Замкавай, распавёў уладальнік будучага будынка.

Што будзе на месцы сквера, не ведалі больш за год

Будаўніцтва гандлёва-офіснага будынка будзе весціся на месцы невялікага сквера на вуліцы Замкавай, які размешчаны за будынкам былога Палаца тэкстыльшчыкаў, літаральна ў 20 метрах ад Савецкай плошчы. Увесну мінулага года гэты ўчастак плошчай 0,15 гектара купіў на аўкцыёне літоўскі інвестар.

Гэтая навіна выклікала хваляванні сярод гісторыкаў, краязнаўцаў і ўсіх гараджан, якія выступаюць за захаванне гістарычнага аблічча Гродна. У апісанні да праекта паказвалася, што на ўчастку павінен з'явіцца гандлёва-офісны цэнтр не больш за тры паверхі ў вышыню. Многія асцерагаліся, што на месцы сквера можа вырасці сучасны будынак са шкла і металу, які стане апошнім цвіком у труне гістарычнага цэнтра і назаўсёды пахавае магчымасць аднавіць знешняе аблічча гістарычнага квартала канца XIX — пачатку XX стагоддзя, які быў знесены ў савецкі час.

Историческая застройка старой части Гродно
© Sputnik / Инна Гришук
Гістарычная забудова старой часткі Гродна

Гандлёвы цэнтр на 1000 квадратных метраў

З сакавіка мінулага года аб новым будаўніцтве па суседстве з плошчай Савецкай нічога не было чуваць. Пра яго ўспомнілі на мінулым тыдні, калі было падпісана рамачнае пагадненне паміж гродзенскім гарвыканкамам і ЗТАА "ТД-груп" аб будаўніцтве адміністрацыйна-гандлёвага будынка на вуліцы Замкавай, 12.

Заснавальнік ЗТАА "ТД-груп" Кардзіс Дарюш распавёў Sputnik аб будучай будоўлі. Паводле яго слоў, работы на ўчастку павінны пачацца ў наступным годзе. Плануецца, што на месцы сквера з'явіцца адміністрацыйна-гандлёвы будынак плошчай прыкладна ў тысячу квадратных метраў. Новая пабудова будзе двухпавярховай, тут размесцяцца кафэ, рэстаран і адміністрацыйныя памяшканні.

"Эскізнага праекта, які можна паказаць гродзенцам, пакуль няма. Цяпер уся дакументацыя знаходзіцца ў Міністэрстве культуры ў Мінску на ўзгадненні", — дадаў Дарюш.

Адказваючы на пытанне пра знешні выгляд ГЦ, які так хвалюе гродзенцаў, суразмоўца Sputnik адзначыў, што ён прыняў рашэнне аднавіць гістарычную каштоўнасць — "Дом рыбака", які знаходзіўся на месцы набытага ўчастка.

"Гэта будзе не дакладная копія, але вонкава будынкі будуць вельмі падобныя. Інфармацыю мы бралі з архіву. Пры распрацоўцы канцэпцыі гэтага будынка кансультаваліся з навуковымі супрацоўнікамі", — распавёў Дарюш.

Ён удакладніў, што "Домам рыбака" ён называе не адзін, а комплекс з трох будынкаў, якія калісьці знаходзіліся на гэтым участку. Ён таксама паведаміў, што перад будаўнічымі работамі будуць праходзіць неабходныя археалагічныя раскопкі.

Дом рыбака і вуліца Кляшторная

На месцы, дзе неўзабаве пачнецца будоўля, знаходзіліся тры будынкі XVI-XVII стагоддзяў. Самы каштоўны і цікавы з іх — так званы Дом рыбака, у якім жыў кіраўнік гродзенскага цэха рыбакоў. У 1968 годзе гэтыя будынкі знеслі, каб адкрыць від на новы Дом быту, а на вызваленай пляцоўцы разбілі сквер.

У даваенны час на гэтым участку пачыналася вуліца Кляшторная, якая ішла ад вуліцы Замкавай у бок сучаснага Дома быту. На ёй жылі багатыя людзі тых часоў. Але ў савецкі час знакамітая вулачка знікла, калі знеслі апошнія яе будынкі.

По теме

Як беларус адзін аблічбоўвае найстарэйшыя могілкі краіны
Людзі адстаялі дубровы, якія хацелі аддаць пад могілкі ў Гродне
Цягнік у польскі Шчэцін праз Варшаву і Беласток хочуць пусціць з Гродна
Тэги:
архітэктура, Гродна
Правілы карыстанняКаментары

Галоўныя тэмы