Асабістыя рэчы Васіля Быкава з зачыненага музея ў Гродне перадалі калегам

© Sputnik / Евгений Коктыш / Перайсці ў медыябанкПісьменнік Васіль Быкаў
Пісьменнік Васіль Быкаў - Sputnik Беларусь
Падпісацца
Цяпер дакументы, кнігі і вопратка будуць захоўвацца ў музеі Максіма Багдановіча – адным в падраздзяленняў Гродзенскага гісторыка-археалагічнага музея.
МІНСК, 6 лют - Sputnik. Асабістыя рэчы беларускага пісьменніка Васіля Быкава з зачыненага музея, які існаваў пры грамадскім аб’яднанні ветэранаў вайны, працы і ўзброеных сіл, будуць захоўвацца ў Гродзенскім гісторыка-археалагічным музеі.
Як паведамляецца на сайце ўстановы, зараз навуковыя супрацоўнікі афармляюць дакументы на перадачу прадметаў – некалькі асадак, нож для паперы, кававарка, дарожная сумка, дыпламат, пішучая машынка, а таксама некаторая вопратка, у тым ліку, кіцель, гальштук, кашнэ і іншыя.
© Photo : Гродзенскі гісторыка-археалагічны музейАсадка і нож Васіля Быкава
Асадка і нож Васіля Быкава - Sputnik Беларусь
Асадка і нож Васіля Быкава
Акрамя таго, фонды музея папоўняцца арыгінальнымі фотаздымкамі народнага пісьменніка, на якіх Васіль Быкаў каля Нёмана, на Замкавай гары, на вуліцах горада, дзе ён пражыў 25 гадоў.
© Photo : Гродзенскі гісторыка-археалагічны музейКуртка Васіля Быкава
Куртка Васіля Быкава - Sputnik Беларусь
Куртка Васіля Быкава
Калекцыя Гродзенскага гісторыка-археалагічнага музея таксама папоўніцца выданнямі твораў Васіля Быкава і іх перакладамі на розныя мовы свету з аўтографамі самаго Быкава і вядомых беларускіх і замежных аўтараў.
Сярод дакументаў – візітоўкі, лісты, тэлеграмы і віншавальныя паштоўкі. Адзін з найкаштоўнейшых набыткаў - аркушы рукапісу аповесці "Сотнікаў" з праўкамі Васіля Быкава. Усе прадметы ў свой час былі перададзены грамадскаму музею Васіля Быкава ад родных і знаёмых народнага пісьменніка.
Як пісалі СМІ, грамадскі музей пры аб'яднанні ветэранаў вайны, працы і ўзброеных сіл быў зачынены з-за адсутнасці спонсараў і фінансавання.
Стужка навiн
0