МІНСК, 16 сне — Sputnik. Супрацоўнікі міліцыі затрымалі жыхара Слуцка, які выкраў з кватэры сваёй дзяўчыны 24 мільёны рублёў, каб запрасіць яе ў рэстаран, паведаміла Sputnik прэс-афіцэр Ленінскага РУУС горада Мінска Таццяна Кавалёва.
Мужчына быў раней судзімы за махлярства, крадзяжы, рабаванні і толькі ў ліпені 2015-га вызваліўся з месцаў пазбаўлення волі.
"У міліцыю звярнулася жанчына, якая патлумачыла, што тры тыдні таму яе 20-гадовая дачка ў інтэрнэце пазнаёмілася з маладым чалавекам і запрасіла яго ў госці. Аднак у гэты час ёй спатрэбілася схадзіць у лякарню, таму хлопец дома застаўся адзін, у гэты ж дзень ўвечары малады чалавек запрасіў дзяўчыну ў рэстаран, дзе яны адпачылі, ні ў чым сабе не адмаўляючы", — сказала Кавалёва.
Па словах прадстаўніка РУУС, на наступны дзень маці дзяўчыны выявіла згубу грошай, якія належаць сваячцы, — 24 мільёнаў рублёў.
Кавалёва таксама паведаміла, што малады чалавек у ходзе аператыўных мерапрыемстваў быў затрыманы супрацоўнікамі крымінальнага вышуку ў Слуцку, у ў дачыненні да яго ўзбуджана крымінальная справа па арт. 205 (крадзеж) Крымінальнага кодэкса Рэспублікі Беларусь.
