15:20 11 красавіка 2021
«Радыё Sputnik»
  • USD2.64
  • EUR3.14
  • 100 RUB3.43
Здарэнні
Атрымаць кароткую спасылку
33 0 0

Хлопчык, які ўсе гэтыя дні піў толькі ваду, быў знойдзены ў вартоўні на ваенным палігоне ў пяці кіламетрах ад таго месца, дзе ён быў пакінуты бацькамі за дрэнныя паводзіны.

МІНСК, 3 чэр — Sputnik. Сямігадовы хлопчык з Японіі Ямато Таноока, якога знайшлі пасля тыдня пошукаў, дастаўлены ў бальніцу з драпінамі і лёгкім абязводжваннем, небяспекі для яго жыцця няма, паведамляе Sputnik Японія.

Хлопчыка 26 мая кінулі бацькі за дрэнныя паводзіны — падчас прагулкі Ямато кідаў камяні ў машыны і людзей, пасля чаго быў пакінуты на дарозе. Малога шукалі паліцыянты, вайскоўцы, прачэсваючы лес, аднак яго выпадкова знайшоў адзін з супрацоўнікаў сіл самаабароны ў вартоўні на палігоне Комагатакэ, у пяці кіламетрах ад месца, дзе яго пакінулі бацькі.

Паводле інфармацыі агенцтва, хлопчык ратаваўся ад халадоў у матрацах, якія былі складзеныя ў памяшканні, паліцыі і медыкам ён патлумачыў, што ўвесь гэты час піў толькі ваду, бо ў яго не было ежы. Вайсковец, які знайшоў Ямато, накарміў яго і напаіў гарбатай.

Бацька хлопчыка на прэс-канферэнцыі ў пятніцу заявіў, што ўжо папрасіў прабачэння ў свайго сына, і той дараваў яму.

"Я даставіў сыну жудасныя перажыванні. Прашу дараваць мне за дастаўленыя ўсім турботы", — цытуе агенцтва словы бацькі.

Участники поисков семилетнего мальчика, которого бросили родители
© REUTERS / Mandatory credit Kyodo/via REUTERS
Удзельнікі пошукаў сямігадовага хлопчыка ў Японіі

Паведамляецца, што ў ходзе пошукавай аперацыі мясцовасць, дзе быў знойдзены хлопчык, прачэсвалася, аднак пры аглядзе там нікога не было. У сваю чаргу хлопчык распавёў, што трапіў у вартоўню толькі праз некалькі дзён пасля таго, як там прайшлі ваенныя.

Тэги:
Бацькі і дзеці, Пошук зніклых людзей, Японія

Галоўныя тэмы