01:54 18 жніўня 2018
«Радыё Sputnik»
  • USD2.05
  • EUR2.34
  • 100 RUB3.06
Работа  эксперта-крыміналіста

Прызначаныя дадатковыя экспертызы па факце смерці сястры Васіля Быкава

© Sputnik / Максим Блинов
Здарэнні
Атрымаць кароткую спасылку
17 0 0

Раней праз напад невядомага на жанчыну была ўзбуджаная крымінальная справа, злачынец яшчэ не знойдзены.

МІНСК, 4 ліп — Sputnik. Следчыя прызначылі дадатковыя экспертызы, каб высветліць дакладную прычыну смерці Валянціны Быкавай — сястры вядомага беларускага пісьменніка Васіля Быкава, паведаміла Sputnik у панядзелак афіцыйны прадстаўнік УСК па Віцебскай вобласці Святлана Сахарава.

Сястра пісьменніка, якая знаходзілася на лячэнні ў Віцебскім абласным клінічным шпіталі, памерла 4 ліпеня. Ва ўстанову аховы здароўя яна была дастаўлена пасля таго, як на 89-гадовую жанчыну 27 мая напалі невядомыя — у яе былі зламаныя рэбры і ключыцы.

Па дадзеным факце Ушацкім РАСК была ўзбуджаная крымінальная справа па ч. 1 арт. 149 (наўмыснае прычыненне менш цяжкага цялеснага пашкоджання) Крымінальнага кодэкса Беларусі.

"У цяперашні час следчымі прызначаныя дадатковыя экспертныя даследаванні, якія дапамогуць даць заключэнне аб прычынах смерці жанчыны", — сказала Сахарава.

Паводле яе слоў, у цяперашні час следчыя i супрацоўнікі органаў унутраных спраў працягваюць мерапрыемствы па ўсталяванню асобы, які напаў на сястру пісьменніка.

Сахарава таксама ўдакладніла, што пакуль злачынец не знойдзены, а расследаванне крымінальнай справы працягваецца.

Тэги:
Праваахоўчыя органы, Расследаванне злачынстваў, УСК па Віцебскай вобласці, Беларусь
Правілы карыстанняКаментары

Галоўныя тэмы