Афганцы транзітам праз Беларусь перапраўлялі ў ЕС мігрантаў

CC BY 2.0 / houstondwiPhotos mp / Handcuffs and a CarЗатрыманне. Архіўнае фота
Затрыманне. Архіўнае фота - Sputnik Беларусь
Падпісацца
Арганізатары злачыннай групы забяспечвалі перапраўку праз беларускую мяжу сваіх суайчыннікаў і індыйцаў.

МІНСК, 5 жні —Sputnik. Грамадзяне Афганістана арганізавалі ў Беларусі канал незаконнай міграцыі ў краіны Еўрасаюза, паведамілі Sputnik у Дзяржаўным памежным камітэце рэспублікі (ГПК).

На гэтым тыдні, 2 жніўня, у Барысаве былі затрыманыя восем замежнікаў, якія чакалі сваёй чаргі для перапраўкі ў ЕС.

"Паводле атрыманых дадзеных, арганізатары вышэйпаказанай супрацьпраўнай дзейнасці — ураджэнцы Афганістана — арганізавалі незаконны ўезд мігрантаў з Расіі і іх размяшчэнне ў Беларусі. Аператыўнае суправаджэнне нелегалаў праводзілася ад расейска-беларускай мяжы да месца іх размяшчэння", — распавялі ў ведамстве.

Разам з мігрантамі быў затрыманы і адзін з арганізатараў злачыннай групы.

"Узбуджаная крымінальная справа ў дачыненні да арганізатараў канала нелегальнай міграцыі. Праводзяцца мерапрыемствы па ўсталяванні і прыцягненню ўсіх удзельнікаў міжнароднай злачыннай групы да адказнасці", — адзначылі ў ДПК.

Паводле дадзеных Дзяржпамежкамітэта, у 2016-м годзе было ліквідавана 19 каналаў незаконнай міграцыі, затрымана 30 арганізатараў і памагатых.

Стужка навiн
0