МІНСК, 22 сне — Sputnik. Праваахоўныя органы высвятляюць абставіны ДТЗ у Брэсцкай вобласці, у выніку якога загінула жанчына, паведамілі Sputnik у чацвер у ДАІ рэгіёну.
Інцыдэнт адбыўся напярэдадні раніцай каля вёскі Чыжэўшчына ў Жабінкаўскім раёне. Паводле папярэдняй інфармацыі, 28-гадовы кобрынец на Renault Laguna збіў 78-гадовую мясцовую жыхарку, якая пераходзіла трасу М-1 па нерэгуляваным пешаходным пераходзе.
Таксама ўстаноўлена, што пасля гэтага пенсіянерку збіў Chevrolet Cruze, якім кіраваў жыхар Кобрына 1987 года нараджэння. У Дзяржаўтаінспекцыі ўдакладнілі, што жанчына загінула на месцы здарэння ад атрыманых траўмаў. Таксама інспектары адзначылі, што яна не была пазначаная святлоадбіўнымі элементамі.
