МІНСК, 3 кра — Sputnik. Прэзідэнт Беларусі Аляксандр Лукашэнка выказаў спачуванні прэзідэнту Расіі Уладзіміру Пуціну ў сувязі з выбухам у метро Санкт-Пецярбурга.
Падчас сустрэчы з Пуціным Лукашэнка заявіў таксама, што забеспячэнне бяспекі будзе адной з галоўных тэм сустрэчы прэзідэнтаў Беларусі і Расіі.
"Вельмі шкада, што так здарылася ў гэтыя хвіліны. Заўсёды думаеш пра тое, што дай бог, каб гэтым скончылася. Мы сутыкаліся, на жаль, у Мінску з такімі праблемамі", — сказаў Лукашэнка.
Гаворачы аб Санкт-Пецярбургу, прэзідэнт Беларусі падкрэсліў, што гэта не чужы для яго горад.
Два выбухі прагрымелі ў падземцы Санкт-Пецярбурга днём у панядзелак на станцыях "Сянная плошча" і "Тэхналагічны інстытут".
Падчас сустрэчы з Пуціным Лукашэнка заявіў таксама, што забеспячэнне бяспекі будзе адной з галоўных тэм сустрэчы прэзідэнтаў Беларусі і Расіі. "Я таксама хачу вам выразіць свае спачуванні, а таксама выказаць спачуванні родным, блізкім, піцерцам, якія вельмі балюча, востра рэагуюць на падобныя рэчы", — сказаў прэзідэнт Беларусі.
Ён заклікаў свайго расійскага калегу "быць гатовым да ўсяго".
"Спакойна нам жыць ніхто не дасць, таму нам трэба быць гатовымі да ўсяго, выклікаў у свеце велізарная колькасць, мы не ў ізаляваным свеце жывем, мы гэта разумеем з вамі, не першы год працуем у гэтых пасадах", — дадаў Лукашэнка.
Паводле папярэдніх звестак, загінулі 10 чалавек, сярод іх ёсць дзеці. Як паведамляюць расійскія СМІ, пацярпелі 50 чалавек.
