МІНСК, 31 кас — Sputnik. Мінскі аэрапорт паведаміў, што на іх тэрыторыі ката Марціка не знойдзена. Кот згубіўся ў нядзелю 29 кастрычніка ў пасажыраў, якія ехалі з Санкт-Пецярбурга ў Жэневу. Некалькі сутак жывёлу адшуквалі на тэрыторыі аэрапорта.
"Супрацоўнік аэрапорта, які знаходзіўся на стойцы негабарытнага багажа, да "ўцёкаў" ката не мае ніякага дачынення. Супрацоўнікі службаў аэрапорта былі абвешчаны аб зніклай жывёле і зрабілі ўсё магчымае для "пошукаў уцекача". Знаходжанне жывёлы, якая збегла, на тэрыторыі Нацыянальнага аэрапорта Мінск не пацвярджаецца", — паведамілі ў аэрапорце.
Праз мінскі аэрапорт пасажыры рухаліся транзітам на рэйс да Жэневы. Пры рэгістрацыі на рэйс у момант здачы пераносак жывёл на стойцы негабарытнага багажа аэрапорта адзін з катоў збег. Зараз гаспадар шукае яго і папрасіў аэрапорт аб дапамозе.
Як высветлілася, кот, які знік, належаў вядомаму мастаку Мікалаю Капейкіну — пра гэта ён напісаў у сваім Facebook.
"У час этапавання бездаглядных катоў па маршруце Пецярбург — Жэнева ў Мінскім аэрапорце адбылося надзвычайнае здарэнне. Адзін з этапаваных у момант перасячэння дзяржаўнай мяжы здзейсніў крывавыя ўцёкі са сваёй перасоўнай камеры часовага ўтрымання", — напісаў іранічна мастак.
Шукаць зніклага ката мастак не стаў — адправіўся далей у Жэневу, дзе Капейкін разам з іншымі піцерскімі мастакамі ўдзельнічае ў выставе.
