22:02 17 лістапада 2018
«Радыё Sputnik»
  • USD2.11
  • EUR2.40
  • 100 RUB3.20
Вялікая хартыя вольнасцяў Magna Carta

У Солсберы спрабавалі скрасці Вялікую хартыю вольнасьцяў

© AP / Matt Dunham
Здарэнні
Атрымаць кароткую спасылку
1120

У невялікім брытанскім мястэчку ў галоўным саборы захоўваецца дакумент, які з'яўляецца краевугольным каменем у гісторыі сярэднявечнага феадальнага права, які ўпершыню абмежаваў уладу манарха.

МІНСК, 26 кас - Sputnik. У Вялікабрытаніі спрабавалі скрасці Вялікую хартыю вольнасьцяў Magna Carta, якая з'яўляецца помнікам сярэднявечнай прававой думкі.

Інцыдэнт адбыўся ў чацвер вечарам у саборы ў брытанскім Солсберы, дзе ў адмысловым шкляным стэндзе захоўваецца адзін з асобнікаў дакумента XIII стагоддзя.

У саборы спрацавала сігналізацыя пасля таго, як 45-гадовы мужчына паспрабаваў разбіць шкляное вечка, пад якім знаходзіцца Вялікая хартыя вольнасцяў. Паліцыя затрымала зламысніка, які спрабаваў скрасці рарытэт.

Вялікая хартыя вольнасцяў была падпісана ў 1215 годзе Янам Беззямельным пасля палітычнага супрацьстаяння з феадальнай шляхтай. Злоўжыванні караля прывялі да таго, што англійскія бароны прымусілі яго падпісаць дакумент, які ўсур'ёз абмяжоўваў уладу манарха.

Magna Carta не толькі замацоўвала нормы феадальнага сярэднявечнага права, але і ўвяла прызнанне віны толькі судом, гарантавала маёмасныя правы свабодных слаёў насельніцтва, а таксама ўпарадкавала падатковую сістэму.

У гатычным саборы Панны Марыі ў англійскай горадзе Солсберы захоўваецца адна з чатырох копій, знятых з хартыі ў 1215 годзе. Сама хартыя неаднаразова пацвярджалася брытанскімі манархамі і паслужыла асновай для ўсяго заканадаўства ў Вялікабрытаніі.

Тэги:
Вялікабрытанія
Правілы карыстанняКаментары

Галоўныя тэмы