01:50 17 снежня 2018
«Радыё Sputnik»
  • USD2.12
  • EUR2.40
  • 100 RUB3.19
Скульптура гарадавога насупраць будынку МУС

За шалік для гарадавога могуць затрымаць, "таму што гэта помнік"

© Sputnik / Виктор Толочко
Здарэнні
Атрымаць кароткую спасылку
9 0 0

Скульптура гарадавога насупраць будынку МУС у Мінску зноў стала прычынай для затрымання.

МІНСК, 18 ліс - Sputnik. Міліцыя затрымала мужчыну за тое, што ён павесіў на помнік гарадавога ў цэнтры Мінска шалік, матываваўшы гэта тым, што скульптура ахоўваецца.

На відэа, размешчаным у сацыяльнай сетцы Facebook, можна назіраць, як да помніка гарадавога падыходзіць мужчына і вешае яму на шыю шалік. Пры гэтым ён нават пагладзіў па фуражцы скульптуру.

Пасля гэтага да яго падышоў супрацоўнік міліцыі для таго, каб затрымаць мужчыну за павешаны шалік, якім ён "хацеў сагрэць гарадавога".

На пытанне, навошта забіраць пашпарт і затрымліваць, міліцыянт яму адказаў, што "вы на скульптуру, якая ахоўваецца, павесілі шалік. Нельга на яго нічога вешаць, таму што гэта помнік".

Затым з мужчынам у аддзяленні міліцыі правялі кароткую тлумачальную гутарку. Супрацоўнікі праваахоўных органаў сказалі яму, што "гэтая скульптура, груба кажучы, з'яўляецца тварам МУС" і што "ў наступны раз на помнік вешаць нічога не трэба".

Раней МУС размясціла відэа, на якім малады хлопец просіць прабачэньня за тое, што даў аплявуху помніку гарадавога ў беларускай сталіцы.

Тэги:
помнік, Беларусь, Мінск

Галоўныя тэмы