Больш за 500 пратэстоўцаў было затрымана ў Беларусі ў нядзелю

© Sputnik / Виктор Толочко / Перайсці ў медыябанкСілавікі падчас акцыі пратэсту апазыцыі ў Мінску
Сілавікі падчас акцыі пратэсту апазыцыі ў Мінску - Sputnik Беларусь
Падпісацца
У МУС заявілі, што міліцыя прыняла неабходныя меры па падтрыманні парадку і забеспячэнні грамадскай бяспекі падчас вулічных пратэстаў.

МІНСК, 26 кас - Sputnik. Супрацоўнікі міліцыі ў мінулую нядзелю затрымалі па ўсёй краіне больш за 500 удзельнікаў пратэстных акцый, з іх 160 былі затрыманыя ў Мінску, паведамілі ў МУС.

Як прайшоў Марш народнага ўльтыматума ў Мінску - відэа - Sputnik Беларусь
Відэа
Як прайшоў Марш народнага ўльтыматума ў Мінску - відэа

Напярэдадні, 25 кастрычніка, у розных населеных пунктах Беларусі адбылося 19 пратэстных акцый.

"Усяго ўчора за парушэнне заканадаўства аб масавых мерапрыемствах затрымана 523 чалавекі (з іх у Мінску - 160). Да разгляду ў судзе спраў па адміністрацыйных правапарушэннях у месцы ўтрымання затрыманых змешчаныя 352 асобы", - паведамілі Sputnik у панядзелак у МУС.

Там таксама адзначылі, што міліцыяй прыняты неабходныя меры па падтрыманні парадку і забеспячэнні грамадскай бяспекі падчас вулічных пратэстаў.
13 кастрычніка экс-кандыдат у прэзідэнты Беларусі Святлана Ціханоўская, якая на дадзены момант знаходзіцца на тэрыторыі Еўрасаюза, абвясціла уладам рэспублікі "народны ультыматум". Да 25 кастрычніка павінны былі быць выкананы тры патрабаванні: дзейны прэзідэнт Аляксандр Лукашэнка павінен аб'явіць аб сыходзе, гвалт на вуліцах павінен быць спынены, усе палітвязні павінны быць вызваленыя.

У адваротным выпадку Ціханоўская паабяцала масавыя пратэсты, нацыянальную забастоўку, блакаванне аўтадарог і абвал продажаў у дзяржаўных крамах.

Напярэдадні, у апошні дзень выканання ўльтыматума, у Мінску і шэрагу іншых гарадоў Беларусі прайшлі несанкцыянаваныя акцыі пратэсту. У буйных гарадах, у тым ліку і сталіцы, найбольш радыкальныя пратэсты былі падушаныя сілавікамі. У панядзелак 26 кастрычніка беларускі ўрад паведаміў, што ўсе прамысловыя гіганты рэспублікі працуюць у штатным рэжыме.

Стужка навiн
0