16:32 14 красавіка 2021
«Радыё Sputnik»
  • USD2.61
  • EUR3.12
  • 100 RUB3.45
Здарэнні
Атрымаць кароткую спасылку
Пратэсты пасля выбараў у Беларусі (253)
25 0 0

Былы беларускі сілавік перадаваў за мяжу інфармацыю аб праваахоўных органах, якая затым аказвалася ў адкрытым доступе.

МІНСК, 25 сак – Sputnik. Оперупаўнаважаны галоўнага ўпраўлення па барацьбе з арганізаванай злачыннасцю і карупцыяй МУС Беларусі Станіслаў Лупаносаў перадаваў інфармацыю аб працы ведамства за мяжу, заявілі ў эфіры "Беларусь 1".

"І яшчэ адзін факт аб "слівах" службовай інфармацыі беглым сілавіком (ініцыятыва BYPOL - Sputnik). Як аказалася, у ГУБАЗ працаваў "крот", завербаваны, па ўсёй верагоднасці, украінскім бокам. Ім аказаўся оперупаўнаважаны Станіслаў Лупаносаў", - распавялі ў выніковым выпуску навін.

Паводле інфармацыі тэлеканала, былы супрацоўнік МУС "займаўся шпіёнскай дзейнасцю, а калі зразумеў, што яго вылічылі, уцёк у Украіну".

Пры гэтым начальнік ГУБАЗіК Андрэй Паршын распавёў, што дадзены чалавек "займаўся шпіёнскай дзейнасцю мэтанакіравана і збіраў інфармацыю, ні ў якім разе сябе не выяўляючы, - тую, да якой меў доступ".

На думку прадстаўніка МУС Беларусі, у Станіслава Лупаносава мог быць каардынатар. Былы супрацоўнік меў доступ да базы дадзеных ГУБАЗіК, таму беларускія сілавікі мяркуюць, што менавіта ён выклаў у адкрыты доступ службовую інфармацыю.

У эфіры беларускага тэлебачання ўдакладнілі, што па сваёй службовай дзейнасці Станіслаў Лупаносаў займаўся распрацоўкай блогера Сяргея Ціханоўскага і яго праекта "Краіна для жыцця".

Тэлеканал падрыхтаваў фільм пра ініцыятыву BYPOL - яна публікуе інфармацыю, якая заяўляецца як атрыманая ад крыніц з сілавых структур, а таксама відэа з пратэстных акцый, знятыя рэгістратарамі супрацоўнікаў органаў унутраных спраў.

Чытайце таксама:

Тэмы:
Пратэсты пасля выбараў у Беларусі (253)
Тэги:
Праваахоўчыя органы, мяжа, інфармацыя, сілавік, Кіеў, ГУБАЗіК

Галоўныя тэмы