МІНСК, 26 сак – Sputnik. Больш за 200 чалавек затрыманы на несанкцыянаваных акцыях пратэсту ў Беларусі 25 сакавіка, паведамілі ў прэс-службе Міністэрства ўнутраных спраў рэспублікі.
"У краіне зафіксаваны адзінкавыя факты парушэння заканадаўства аб масавых мерапрыемствах. Пераважна гэта адзінкавыя пікеты з незарэгістраванай сімволікай", - сказалі ў МУС.
Там таксама адзначылі, што пратэстная актыўнасць грамадзян была адзначана на праспекце Незалежнасці ў Мінску, а таксама некаторых мікрараёнах беларускай сталіцы.
"Нягледзячы на неаднаразовыя папярэджанні з боку міліцыі аб недапушчальнасці супрацьпраўных дзеянняў, асобныя грамадзяне паводзілі сябе задзірліва, правакуючы супрацоўнікаў", - паведамілі ў прэс-службе.
Акрамя таго, па дадзеных МУС, у Фрунзенскім раёне Мінска была затрымана група людзей з газавымі балончыкамі, электрашокерамі, сякерамі і заточкамі, а таксама планамі на расклейку пратэстнай сімволікі.
Паводле інфармацыі праваахоўнікаў, агульная колькасць пратэстуючых, дастаўленых у аддзяленні міліцыі, перавысіла 200 чалавек. Усіх іх затрымалі за парушэнне заканадаўства аб масавых мерапрыемствах.
Таксама супрацоўнікі ДАІ выявілі больш за 40 кіроўцаў, якія сігналілі без прычыны - у дачыненні да іх распачаты адміністрацыйныя працэсы. Дадзеным аўтаўладальнікам пагражае штраф у памеры да дзесяці базавых велічынь і пазбаўленне праў.
Чытайце таксама:
- Мінскі АМАП гатовы да веснавых пратэстаў - Балаба
- Кубракоў: мы ведаем людзей, якія заклікаюць да пратэстаў
- Карпянкоў адкрыта аб пратэстах, цкаванні родных і службе
