МІНСК, 5 кра – Sputnik. Апазіцыйная ініцыятыва BYPOL, звязаная з экс-кандыдатам у прэзідэнты Беларусі Святланай Ціханоўскай, спрабуе кіраваць незаконнымі акцыямі пратэстаў, заявіў намеснік міністра ўнутраных спраў Беларусі Генадзь Казакевіч.
"У ёй сабраліся збеглыя сілавікі. Паступова ініцыятыва радыкалізавалася, і яны спрабуюць кіраваць пратэстамі", - сказаў Казакевіч у эфіры тэлеканала "Беларусь 1".
Ён растлумачыў, што структура для каардынацыі акцый пераймае вопыт Сцяпана Пуцілы - стваральніка Telegram-канала, прызнанага ў Беларусі экстрэмісцкім. На думку намесніка кіраўніка МУС, "атрымліваецца слабенька".
Хто ўваходзіць у BYPOL
Казакевіч падкрэсліў, што касцяк уваходзячых у апазіцыйную структуру вядомы.
Паводле яго слоў, гэта: былыя следчыя Астаповіч Андрэй, Лобан Ігар; былыя аператыўнікі Купрэйчык Мацвей, Жыгараў Уладзімір, Лупаносаў Станіслаў і Макар Сяргей; былы выкладчык Акадэміі міліцыі Азараў Аляксандр; былы работнік пракуратуры Талерчык Алег, а таксама Мядзведзеў Яўген.
Па заявах апазіцыі, ініцыятыва аб'ядноўвае былых беларускіх праваахоўнікаў, якія не падтрымліваюць дзеючыя ўлады краіны і выехалі за мяжу. BYPOL перыядычна публікуе інфармацыю, якая пазіцыянуецца як здабытая ад крыніц з сілавых структур.
Спіс маюцчых дачыненне да тэрарызму
КДБ Беларусі паведаміў 2 красавіка, што пашырыў спіс асоб, якія маюць дачыненне да тэрарызму. У яго ўключаны амаль увесь касцяк BYPOL, а таксама лідэры апазіцыі – Святлана Ціханоўская і Павел Латушка.
МУС Беларусі 26 сакавіка паведаміла аб затрыманні 35-гадовага мужчыны, які меў намер здзейсніць два тэракты - у Мінскай вобласці і Мінску. Сілавікі знайшлі і абясшкодзілі самаробныя выбуховыя прылады.
Па дадзеных праваахоўнікаў, затрыманы падтрымліваў сувязь з BYPOL, ад яе прадстаўніка атрымаў указанне здзейсніць выбух на тэрыторыі органа ўнутраных спраў або вайсковага фармавання. Была ўзбуджана крымінальная справа супраць Ціханоўскай і ўдзельнікаў BYPOL за падрыхтоўку тэракта арганізаванай групай.
Пратэсты ў Беларусі
Пасля выбараў прэзідэнта 9 жніўня 2020 года, дзе перамог Аляксандр Лукашэнка, які набраў, паводле звестак ЦВК, больш за 80% галасоў, у краіне пачаліся масавыя пратэстныя акцыі апазіцыі, у Мінску і рэгіёнах краіны яны былі спалучаны з беспарадкамі. Падчас разгону ўдзельнікаў несанкцыянаваных мерапрыемстваў сілавікі выкарыстоўвалі спецсродкі і спецтэхніку.
КДБ Беларусі 11 лютага заявіў, што сітуацыя ў краіне стабілізавалася, пік пратэстаў пройдзены, іх праявы практычна сышлі на нішто.
Чытайце таксама:
- КДБ РБ унёс у спіс маючых дачыненне да тэрарызму Ціханоўскую і Латушку
- Вальфовіч назваў BYPOL здраднікамі
- Знешнія сілы хочуць распаліць сытуацыю ў Беларусі, заявіў Лукашэнка
