22:59 15 мая 2021
«Радыё Sputnik»
  • USD2.53
  • EUR3.06
  • 100 RUB3.41
Здарэнні
Атрымаць кароткую спасылку
11 0 0

Як паведамляе Міністэрства аховы здароўя, хлопчык па-ранейшаму лічыцца цяжкім пацыентам, цяпер яго рыхтуюць да чарговай аперацыі.

МІНСК, 4 тра - Sputnik. Стан 12-гадовага падлетка, які вынес з палаючага дома свайго малодшага брата і атрымаў апёкі 50% цела, стабілізаваўся, але застаецца па-ранейшаму цяжкім.

Як паведамляе прэс-служба Міністэрства аховы здароўя, лекары рыхтуюць хлопчыка да чарговай аперацыі. У лячэнні дзіцяці ўдзельнічаюць і расійскія лекары: па відэасувязі прайшоў кансіліум з удзел міністэрстваў дзвюх краін, медыкаў Нацыянальнага медыцынскага даследчага цэнтра хірургіі ім. А. В. Вішнеўскага Міністэрства аховы здароўя Расіі. За жыццё хлопчыка змагаюцца вядучыя ўрачы-камбустыёлагі (спецыялісты па апёкавага траўмам), хірургі, анестэзіёлагі.

"Спецыялісты абмеркавалі тактыку лячэння падлетка і выбралі найбольш аптымальны варыянт на дадзеным этапе", - паведамляе Міністэрства аховы здароўя Беларусі.

Хлопчык-герой

Нагадаем, 28 красавіка ў вёсцы Сідаравічы загарэўся дом. Падчас пажару ў доме было двое дзяцей. 12-гадовы Рома спачатку сам спрабаваў патушыць полымя, а потым вынес з агню свайго паўтарагадовага брата. Відавочцы распавядалі, што як толькі ў падлетка перахапілі з рук дзіця, ён адразу страціў прытомнасць. Рома атрымаў сур'ёзныя апёкі, твар і цела было парэзаны аскепкамі. На маленькім браце - ні драпіны.

29 красавіка падлетка з Мядзельскай ЦРБ даставілі ў Рэспубліканскі апёкавы цэнтр БХМД.

"Пры першасным аглядзе дыягнаставана камбінаванае паражэнне: тэрмічны апёк галавы, шыі, тулава, верхніх і ніжніх канечнасцяў, плошча паражэння 50%, тэрма-інгаляцыйная траўма цяжкай ступені. Дзіця падключылі да апарата штучнай вентыляцыі лёгкіх", - паведамляла Міністэрства аховы здароўя аб стане дзіцяці.

Мядзельскі раённы аддзел следчага камітэта праводзіць праверку і высвятляе абставіны здарэння.

Сям'і падлетка зараз дапамагаюць усім светам, мясцовы сельсавет гатовы даць двухпавярховы дом.

Неабыякавыя людзі і арганізацыі падтрымліваюць сям'ю, якая страціла ў пажары ўсю маёмасць. Сітуацыю на асабісты кантроль узяў Аляксандр Лукашэнка.

У Беларусі запусцілі акцыю ў падтрымку маленькаму герою: пад хэштэгамі #Ромаживи і #Ромагерой неабыякавыя людзі пакідаюць пажаданні здароўя 12-гадоваму Роме.

Да акцыі далучыліся школьнікі з розных куткоў рэспублікі, беларускія музыкі і выканаўцы (Аляксандр Саладуха, арт-гурт "Беларусы", гурт "Песняры", спявак Тэа і іншыя).

Чытайце таксама:

Тэги:
выратаванне, аперацыі, Міністэрства аховы здароўя

Галоўныя тэмы