На грамадскае абмеркаванне вынесены назвы станцый 4-й лініі мінскай падземкі. Гэта не першае абмеркаванне будучага сталічнага метро: два гады таму ўжо падбіралі назвы для новых станцый. Чацвёртая лінія тады не планавалася кальцавой, яна павінна была звязаць праз паўночна-ўсход сталічныя мікрараёны Вяснянка і Серабранка.
Праз паўгода на абмеркаванні новага генплана Мінска была прадстаўлена новая Генеральная схема развіцця мінскага метрапалітэна, дзе 4-я лінія была запланавана кальцавой, прыкладна паўтараючы 2-е транспартнае кальцо горада.
У прапанаваных цяпер назвах з 17 станцый, прадстаўленых у Генеральнай схеме, агучаны толькі дзевяць. Усе старыя назвы, акрамя станцыі "Мінск-Мір", змененыя на новыя. Адна з станцый, мяркуючы па геаграфічнаму апісанню, памяняла сваё месца: пабудова станцыі "Дзянісаўская", у 2015-м была запланавана ў раёне перасячэння вуліц Дзянісаўскай і Маякоўскага, агучанае цяпер месца станцыі "Козырава" — вуліца Вялікаморская. Пра планы ў дачыненні да ўсходняй паловы кальцавой лініі не паведамляецца.
Грамадскае абмеркаванне назваў перспектыўных станцый працягнецца да 29 мая 2017 года. Прапанаваныя назвы станцый і заяўленыя раней варыянты на перспектыўнай схеме мінскага метро — у інфаграфіцы Sputnik.
