Міколаг: грыбны сезон пачынаецца ў канцы чэрвеня

© Sputnik / Владимир Федоренко / Перайсці ў медыябанкБелы грыб
Белы грыб - Sputnik Беларусь
Падпісацца
Усяго ў Беларусі налічваецца прыблiзна паўтары тысячы відаў грыбоў, з іх ядомых блізу двухсот, а згодна Дзяржстандарта (ГОСТа) дазволеныя да ўжывання толькі 56.

МІНСК, 15 чэр — Sputnik. Грыбны сезон сёлета павінен пачацца праз дзесяць-пятнаццаць дзён, распавяла Sputnik загадчыца лабараторыі мікалогіі Інстытута эксперыментальнай батанікі НАН Беларусі Вольга Гапіенка.

Карыстальнікі сацыяльных сетак ужо пачалі паведамляць пра тое, што ў беларускіх лясах ёсць грыбы, аднак спецыялісты сцвярджаюць — сапраўдны сезон пачнецца бліжэй да канца месяца.

"Былі і замаразкі, і перапады з надвор'ем. Вось зараз дажджы прайшлі, глеба павінна прагрэцца яшчэ. Дзён праз дзесяць-пятнаццаць грыбны сезон пачнецца, усё згодна плана", — распавяла Sputnik Гапіенка.

Эксперт нагадала: у межах гарадоў збіраць грыбы не варта, таксама варта асцерагацца тых, якія растуць ля дарог і прамысловых прадпрыемстваў, у зонах радыяцыйнага забруджвання.

"Кажуць, маўляў, грыбы мутуюць. Яны не мутуюць, яны проста ўбіраюць усё з забруджанай зямлі, вось і атрымліваюцца часам дзіўнымі", — патлумачыла Гапиенко.

Паводле яе слоў, новых відаў грыбоў у Беларусі ў апошні час выяўлена не было. Усяго ў рэспубліцы налічваецца каля паўтары тысячы відаў, з іх толькі 200 з'яўляюцца ядомымі, а згодна Дзяржстандарту да ўжывання дазволеныя толькі 56.

"Часам кажуць пра новыя віды, але на самой справе некаторыя віды плоданасяць раз у дзесяць гадоў, таму і сустракаюцца рэдка", — сказала загадчыца лабараторыі.

Галоўнай парадай, якую эксперт дала грыбнікам, з'яўляецца "рэч ўсім вядомая", але якую неабходна нагадаць: збіраць толькі тыя грыбы, якія грыбнік дакладна ведае, каб пазбегнуць непрыемных наступстваў.

Стужка навiн
0