22:25 20 лютага 2018
«Радыё Sputnik»
Клад манет, архіўнае фота

КДБ спыніў продаж на інтэрнэт-аўкцыёне скарбу манет

© Flickr/ Oliver Whiteside
Цiкавосткi
Атрымаць кароткую спасылку
2110

Усяго ў інтэрнэце на продаж было выстаўлена 292 манеты, іх стартавы кошт склаў 3,2 мільёны рублёў.

МІНСК, 20 чэр — Sputnik. Упраўленне КДБ па Гомельскай вобласці і абласная пракуратура спынілі спробу продажу на інтэрнэт-аўкцыёне скарбу старадаўніх манет, паведамілі Sputnik у прэс-службе пракуратуры.

Лот быў размешчаны на сайце ay.by — да продажу прапаноўваліся 292 манеты са стартавым коштам 3,2 мільёны рублёў.

"Па выніках праверкі выканання заканадаўства, якое рэгулюе пытанні абыходжання з археалагічнымі артэфактамі, лот зняты з таргоў, манеты ідэнтыфікаваныя як золатаардынскай пулы XIV стагоддзя, якія прадстаўляюць гісторыка-культурную і навуковую цікавасць для дзяржавы", — сказалі ў пракуратуры.

Там таксама паведамілі, што манеты перададзеныя ў Брагінскі гістарычны музей, вырашаецца пытанне аб наданні ім статусу гісторыка-культурнай каштоўнасці.

Акрамя таго, у цяперашні час пракуратурай вобласці таксама праводзіцца праверка па факце продажу на тым жа інтэрнэт-аўкцыёне старажытнарускага срэбнага ўпрыгажэння, якое датуецца XI-XIII стагоддзямі.

Тэги:
Праваахоўчыя органы, Інтэрнэт, Гомельская вобласць
Правілы карыстанняКаментары

Галоўныя тэмы