Мінск выпівае ў спякоту 65 тысяч літраў квасу

© Sputnik / Руслан Кривобок / Перайсці ў медыябанкГандль квасам
Гандль квасам - Sputnik Беларусь
Падпісацца
Спажыванне квасу ў сталіцы з надыходам цёплых дзён узрастае ў 3-4 разы, а вось на коштаўтварэнне надвор'е ніяк не ўплывае: паўлітра квасу ў Мінску каштуе ад 55 да 70 капеек.

МІНСК, 5 ліп — Sputnik. Кошт квасу з бочак фарміруецца з улікам кан'юнктуры рынку і вагаецца ў раёне 55-70 капеек (BYN), паведаміла Sputnik прэс-сакратар ГУПР Мінгарвыканкама Анастасія Прымакова.

Мужчына з марозівам - Sputnik Беларусь
Продаж марозіва ў Мінску летам вырастае амаль у 10 разоў

Па дадзеных Галоўнага ўпраўлення спажывецкага рынку сталіцы, аб'ёмы продажаў квасу істотна змяняюцца ў залежнасці ад надвор'я. Так, увосень і ўвёсну горад спажывае 16 тысяч літраў у дзень, у звычайны летнi дзень — больш за 45 тысяч літраў. У спякотныя дні Мінску трэба да 65 тысяч літраў квасу.

"Рознічны кошт на бачкавы квас фарміруецца з улікам кан'юнктуры рынку. Ёмістасць 0,5 літраў танізуючага ў летнюю спёку напою абыйдзецца ў сярэднім ад 55 да 70 капеек (дэнамінаваных, BYN — Sputnik) у залежнасці ад назвы і вытворцы", — адзначыла Прымакова.

Кошт квасу за кег пачынаецца ад рубля за літр і дасягае 1,80 руб. У шкляной бутэльцы паўлітра стаяць у раёне 1,07-1,10 рублі, а ў ПЭТ-бутэльцы літр прадаюць за 0,94-1,35 рублі.

Квас прадаюць у 1300 крамах і больш за 500 сезонных летніх кафэ пры стацыянарных гандлёвых аб'ектах і аб'ектах грамадскага харчавання. Таксама сёння выкарыстоўваецца каля 2000 установак па разліву піва і квасу з кег. Прадаюць квас у разліў і з аўтацыстэрнаў на 68 пляцоўках, прадастаўленых у арэнду праз аўкцыён.

Стужка навiн
0