МІНСК, 9 вер — Sputnik. Чарговыя выходныя зніжак пройдуць у сталіцы 10 і 11 верасня, паведамілі Sputnik у Галоўным упраўленні спажывецкага рынку Мінгарвыканкама.
Сталічныя ўлады ўсё часцей праводзяць зніжкавыя дні. Звычайна кошты зніжаюць ва ўнівермагах, але на маючых адбыцца выхадных абяцаюць зніжкі нават на Камароўскім рынку — да 20%.
У суботу ЦУМ падасць зніжку ў 17% на нехарчовыя тавары. У ГУМе кошты на некаторыя тавары паменшаць да 45%. Распрадаваць касметыку, школьную вопратку, вырабы для нованароджаных і некаторыя іншыя тавары будуць і ва ўнівермазе "Беларусь".
Зніжае кошты на некаторыя тавары на 20-35% таксама сетка магазінаў бытавой хіміі і парфумерыі "Востраў чысціні" і "Міла". Акцыя закране і буйныя сеткавыя крамы электратэхнікі, будматэрыялаў, абутку і трыкатажу.
Абяцаюць правесці акцыю і ў найбуйнейшых гіпермаркетах Мінска. З поўным спісам магазінаў, якія ўдзельнічаюць у "выходных зніжак", можна азнаёміцца на сайце ўпраўлення.
