National Geographic: лепшы агратурызм - у Беларусі

© Sputnik / Анна НефедоваАграсядзіба
Аграсядзіба - Sputnik Беларусь
Падпісацца
У агульнарасійскім галасаванні рэспубліка абыйшла Францыю і Італію, перамогшы ў намінацыі "Агратурызм".

МІНСК, 8 ліс — Sputnik. Беларусь перамагла ў намінацыі "Агратурызм" конкурсу National Geographic Traveler Awards 2016, які праводзіцца расійскай версіяй папулярнага часопіса пра падарожжа.

Онлайн-галасаванне праходзіла на сайце часопіса c 8 верасня па 6 лістапада, краіны і рэгіёны змагаліся за перамогу ў 23 намінацыях, у тым ліку "пляжны адпачынак", "сямейны адпачынак", "лепшы гастранамічны тур" і іншых.

Папраўкі ва ўказе пра агратурызм у МПЦ Sputnik - Sputnik Беларусь
Відэа
Папраўкі ва ўказ пра агратурызм абмеркавалі ў МПЦ Sputnik

Беларусь прарвалася адразу ў дзвюх намінацыях. У намінацыі "Агратурызм" рэспубліка была прызнана лепшай — за нашу краіну аддалі свае галасы 24% рэспандэнтаў. На другім месцы ў рэйтынгу лепшых для агратурызму краін размясцілася Італія (22%), на трэцім апынулася Францыя (20%). Расія набрала ў гэтай намінацыі 18%, Грузія — 9%.

У мінулым годзе Беларусь займала другое месца рэйтынгу ў намінацыі "Агратурызм" — наперадзе была Італія.

Таксама рэспубліка трапіла ў спіс з пяці лепшых краін для аздараўленчага адпачынку, Беларусь апярэдзілі Ізраіль, Чэхія, Венгрыя і Расія.

Агратурызм — шырокае паняцце, якое ўключае ў сябе адпачынак па-за гарадской мясцовасцю. У Беларусі для развіцця дадзенага сегмента турызму ствараюцца аграсядзібы, у якіх турысты могуць пазнаёміцца бліжэй з сельскім ладам жыцця і мясцовымі традыцыямі.

Стужка навiн
0