МТЗ рыхтуе ралі Парыж-Мосар

© Sputnik / Сергей Пивоваров / Перайсці ў медыябанкГонкі на трактарах у Расіі
Гонкі на трактарах у Расіі - Sputnik Беларусь
Падпісацца
Трактары праедуць па бездарожжы ад вёскі Парыж у Пастаўскім раёне да касцёла ў мястэчку Мосар, дзе, плануецца, удзельнікаў раллі будуць сустракаць гледачы.

МІНСК, 18 сту — Sputnik. Мінскі трактарны завод арганізуе ралі Парыж-Мосар, паведамілі Sputnik на прадпрыемстве.

Кадр з роліка Карміцель - Sputnik Беларусь
МТЗ распавёў, як ролік пра трактар трапіў на Канскі фестываль

"Праект рыхтуецца, але дакладная дата пакуль не вядома. Як мяркуецца, ралі адбудзецца 27 або 28 студзеня", — сказалі на прадпрыемстве.

Трактарнае ралі ладзяць, як працяг відовішчных акцый, якімі МТЗ здзіўляў напрыканцы 2016 года. У прыватнасці, перад Новым годам прадпрыемства павіншавала мінчукоў са святам танцавальным шоу трактароў.

Трактарнае ралі Парыж-Мосар, паводле задумы арганізатараў, павінна паспрыяць паляпшэнню іміджа прадпрыемства і павышэнню прэстыжа прафесіі трактарыста.

Плануецца, што тэхніка выедзе з вёскі Парыж Пастаўскага раёна і па бездарожжы дабярэцца да мястэчка Мосар у Глыбоцкім раёне. Каля касцёла ў Мосары плануецца ўсталяваць экран, на якім гледачы змогуць назіраць за інтэрнэт-трансляцыяй гонкі.

Стужка навiн
0