МІНСК, 23 лют — Sputnik. Будучыя швачкі падрыхтавалі калекцыю вырабаў, якую плануюць паказаць на "Млыне моды".
У яе уваходзіць і серыя інавацыйных сукенак. На адной з іх пажарны апавяшчальнік спрацоўвае, калі нехта побач дыміць: на сукенцы тады загараецца кветачка. Яшчэ на адным уборы ўспыхваюць святлодыёдныя зоркі пры выбуху і іншых рэзкіх гуках. Ну а з дапамогай яшчэ адной сукенкі можна падзараджаць тэлефон, проста паклаўшы яго ў кішэню.
Усяго на выставе прадстаўлена каля 200 экспанатаў, над якімі працавалі амаль 150 работнікаў і навучэнцаў каледжа. Усе работы выкананы ў розных тэхніках, — распавяла намеснік дырэктара па выхаваўчай рабоце Таццяна Бродская.
Тут і трыпціх, выкананы з ільняной тканіны ў тэхніцы пэчворк з выкарыстаннем вышыўкі. Выстаўлена і некалькі калекцый лялек: традыцыйныя, калядныя, лялькі-тыльды, вязаныя кручком, аўтарскія. А таксама бутафорскія прадукты харчавання, якія не адрозніш ад сапраўдных.
