Аўтары "Піратаў Карыбскага мора" скінуць Джэка Вераб'я за борт

© PixabayКапітан Джэк Верабей на пляжы
Капітан Джэк Верабей на пляжы - Sputnik Беларусь
Падпісацца
Стваральнікі франшызы вырашылі працягнуць здымкі фільмаў без Джоні Дэпа дзеля павелічэння папулярнасці кінасагі.

МІНСК, 20 чэр — Sputnik. Джоні Дэпа не пакажуць у працягу франшызы "Піраты Карыбскага мора", стваральнікі стужкі вырашылі, што капітан Джэк Верабей надакучыў гледачам, і плануюць пазбавіцца ад яго ў шостай частцы фільма.

Гледачы былі расчараваныя апошняй часткай фільма, а яго аўтары — касавымі зборамі, у выніку Disney прыняў рашэнне абнавіць карціну і перш за ўсё пазбавіцца ад Джоні Дэпа, паведамляе выданне Mirror.

"Раней Джоні Дэп быў прычынай, па якой усе глядзелі гэтыя фільмы. Цяпер ёсць адчуванне, што ён больш не цікавы аўдыторыі", — піша выданне са спасылкай на крыніцу ў кінакампаніі.

Прыхільнікі франшызы пра піратаў, даведаўшыся аб гэтым, сталі выказваць свае абурэння ў сацсетках. Многія пішуць, што не будуць глядзець наступную частку, калі ў ёй не будзе Дэпа.

Аўтары спадзяюцца, што абноўленыя героі змогуць удыхнуць у карціну новае жыццё.

У Беларускім пракаце "Піраты карыбскага мора" займаюць трэці радок, на гэтым тыдні яны зарабілі больш за 30 тысяч рублёў.

Стужка навiн
0