МІНСК, 11 ліп — Sputnik. Дзіцяня рагатага хамелеона стала ўлюбёнцам сацыяльных сетак дзякуючы відэа, дзе адлюстравана яго рэакцыя на струмень вады з крана.
Малады хамелеон па мянушцы Спайк упершыню ўбачыў струмень вады з-пад крана — яшчарка паспрабавала караскацца па ёй.
"Спайк спрабуе ўзбірацца па нябачнай лазе", — напісалі ў Instagram-акаунце, дзе апублікавана замілаванае відэа з хамелеонам.
Карыстальнікі сацыяльных сетак ужо палюбілі Спайка — у каментарах пад відэа многія заўважаюць, што гэты ролік самы мілы са ўсіх, што яны бачылі. Іншыя адзначаюць, што пасля шматлікіх відэа з янотамі і кацянятамі новым улюбёнцам інтэрнэту стаў хамелеон.
Відэа з рэакцыяй Спайка на струмень вады ўжо апублікавалі многія сусветныя СМІ. Дарэчы, падобны від хамелеонаў распаўсюджаны ва Усходняй Афрыцы, а іх асаблівасць — тры невялікія рагі.
