МІНСК, 12 вер — Sputnik. Жыхар Маладзечна знайшоў у лесе ў Вілейскім раёне гіганцкі баравік, маса якога склала больш за два кілаграмы, паведаміў рэсурс "Край".
Па інфармацыі рэсурсу, велічэзны грыб быў знойдзены ў лясным масіве ў раёне ў вёсцы Шылавічы. Як распавёў грыбнік, грыб аказаўся чыстым, а дадому яго прыйшлося везці на сядзенні аўтамабіля, паколькі ён не змясціўся ў вядро.
"Шчыра кажучы, калі знайшоў баравік, ні я, ні жонка не паверылі сваім вачам. Спачатку падумалі, што гэта камень", — цытуе рэсурс словы маладзечанца Сяргея Іванова.
Са слоў мужчыны, капялюшык грыба ў дыяметры склаў каля 25 сантыметраў, а маса — больш за два кілаграмы.
Падобная знаходка была здзейснена 5 верасня школьніцай з Горак — дзяўчынка ў Няжкоўскім гаі знайшла белы грыб, маса якога — 2,3 кілаграма.
