МІНСК, 14 ліс — Sputnik. На цырымоніі ўручэння прэміі "Жанчына года" ў Нью-Ёрку была прадстаўлена новая лялька Барбі, вырабленая па прататыпу рэальнага чалавека. Правобразам стала фехтавальшчыца-шаблістка Ібціхадж Мухамад — першая амерыканка, якая ў 2016 годзе выступіла ў ісламскай жаночай вопратцы на Алімпійскіх гульнях.
Новая Барбі таксама будзе трымаць у руках шпагу, а яе адзенне паўторыць касцюм фехтавальшчыцы.
Thank you @Mattel for announcing me as the newest member of the @Barbie #Shero family! I’m proud to know that little girls everywhere can now play with a Barbie who chooses to wear hijab! This is a childhood dream come true 😭💘 #shero pic.twitter.com/py7nbtb2KD
— Ibtihaj Muhammad (@IbtihajMuhammad) 13 ноября 2017 г.
"Я ганаруся тым, што маленькія дзяўчынкі па ўсім свеце зараз змогуць гуляць з Барбі, якая вырашыла насіць хіджаб!" — напісала спартсменка на сваёй старонцы ў Twitter.
Лялька будзе выпушчаная ў серыі "Шэро". Гэтая лінейка закліканая разбурыць стандартны шаблон прыгажосці, які выкарыстоўваўся пры вытворчасці лялек раней. Цяпер новая Барбі абавязаная будзе насіць хіджаб. Гераінямі-прататыпамі для калекцыі ўжо станавіліся Эшлі Грэм, Зенд, Эмі Росум і іншыя знакамітасці.
"Першая лялька Барбі ў хіджабе — на чырвонай дарожцы," — напісала фехтавальшчыца.
"Мы вельмі рады ушанаваць Ібціхадж Мухамад адзінай у сваім родзе лялькай Барбі! Па ўсім свеце Ібціхадж натхняе жанчын і дзяўчынак ламаць бар'еры", — паведамілі ў Mattel.
Плануецца, што новая Барбі паступіць у продаж у 2018 годзе.
