МІНСК, 15 жні — Sputnik. Актрыса Джэніфер Эністан будзе тварам авіякампаніі з Аб'яднаных Арабскіх Эміратаў Emirates Airline, паведамляе The National са спасылкай на прадстаўніка авіяперавозчыка.
Па дадзеных выдання New York Post, сума кантракту з Эністан складае пяць мільёнаў долараў, дагавор прадугледжвае здымку ў некалькіх рэкламных роліках, таксама размяшчэнне малюнка Эністан на рэкламе ў газетах.
Раней тварам Emirates Airline быў ігрок мадрыдскага футбольнага клуба "Рэал" Крышціяну Раналду.
Эністан праславілася дзякуючы ролі Рэйчел Грын ў тэлесерыяле "Сябры", за якую яна была ўзнагароджана прэміяй "Эмі" і "Залаты глобус". Самай паспяховай для яе стала роля ў стужцы "Брус усемагутны"(2003).
Актрыса выйшла замуж за акцёра Брэда Піта ў 2000 годзе. Праз пяць гадоў яны рассталіся, СМІ называлі прычынамі разводу раман Піта з актрысай Анджалінай Джолі.
