Imagine Dragons павіталіся з Мінскам

© Photo : прадастаўлена арганізатарамі канцэртуЗ дыскам любімага гурта
З дыскам любімага гурта - Sputnik Беларусь
Падпісацца
Амерыканскі рок-гурт Imagine Dragons прыбыў у Мінск увечары 21 студзеня прамым рэйсам з Будапешта.

МІНСК, 22 сту — Sputnik. У аэрапорце ўладальнікаў "Грэмі 2014", чый канцэрт пройдзе сёння ў "Чыжоўка-Арэне", сустракала некалькі дзесяткаў самых актыўных прыхільнікаў.

© PhotoПрыхільнікі чакаюць сваіх куміраў у мінскім аэрапорце
Прыхільнікі чакаюць сваіх куміраў у мінскім аэрапорце - Sputnik Беларусь
Прыхільнікі чакаюць сваіх куміраў у мінскім аэрапорце

Адным з самых вострых пытанняў у асяроддзі прыхільнікаў гурта было дзе і калі сустракаць музыкаў? Час і дата прыбыцця трымаліся ў таямніцы. Зыходзячы са статусу калектыву, Imagine Dragons цалкам маглі прыляцець чартарам, але выбралі звычайны рэйс "Белавія" з Будапешта, дзе выступалі за дзень да гэтага.

© Photo : прадастаўлена арганізатарамі канцэртуПрыхільнікі Imagine Dragons, відаць, ужо падрыхтавалі флэшмоб да канцэрту
Прыхільнікі Imagine Dragons, відаць, ужо падрыхтавалі флэшмоб да канцэрту - Sputnik Беларусь
Прыхільнікі Imagine Dragons, відаць, ужо падрыхтавалі флэшмоб да канцэрту

Прыхільнікі, у асноўным дзяўчаты, чакалі Imagine Dragons з плакатамі і радасна ўсклікнулі пры іх з'яўленні. Не абыйшлося без аўтографаў, а самыя ўдалыя паспелі нават зрабіць сэлфі з вакалістам Дэнам Рейнолдсам і яго калегамі.

© Photo : прадастаўлена арганізатарамі канцэртуПрыхільнікі гурта Imagine Dragons робяць доўгачаканае сэлфі з кумірам
Прыхільнікі гурта Imagine Dragons робяць доўгачаканае сэлфі з кумірам - Sputnik Беларусь
Прыхільнікі гурта Imagine Dragons робяць доўгачаканае сэлфі з кумірам

Imagine Dragons успрынялі ўсе гэтыя знакі ўвагі станоўча. "Мінск, мы адчуваем вашу любоў. Дзякуй за прыём у аэрапорце, мы вельмі рады быць тут", — напісаў у сваім твітары бубнач Дэніэл Платцман.

Вячэрняе шоў Imagine Dragons абяцае стаць адным з галоўных канцэртаў года ў Мінску. Разам з калектывам прыбыла вялікая група тэхнікаў, уноч прыехалі грузавікі з абсталяваннем — гук, святло, спецэфекты.

© Photo : прадастаўлена арганізатарамі канцэртуПрыхільнікі ва ўсхваляваным чаканні
Прыхільнікі ва ўсхваляваным чаканні - Sputnik Беларусь
Прыхільнікі ва ўсхваляваным чаканні

Ну, а ва ўменні Imagine Dragons выдаць цудоўны музычны сэт ужо пераканаліся каля 100 краін свету. Зараз прыйшла чарга Беларусі.

Imagine Dragons (ЗША) выступяць ў Мінску ў межах сусветнага турнэ "Smoke + Mirrors" 22 студзеня ў "Чыжоўка-Арэне", пачатак а 19-й, кошт квіткоў складае ад 495 тыс. руб., танцпляц — 850 тыс.руб., фан-зона — 1 млн. 320 тыс. руб.

Стужка навiн
0